炎明熹罕有為黃Viu獻靚聲 唱《護心》插曲 粉絲提出1個要求
炎明熹在黃Viu獻聲
炎明熹也在黃Viu獻聲，為《護心》主唱插曲《涅槃》，「Gi炎粉」記得留意。炎明熹早前在微博透露為《護心》唱插曲：「命運何妨，前路沒有阻擋，這坦途茫茫守護天地”，我為@電視劇護心 演唱的插曲《涅槃》今天上線啦！唱不盡春風吹又生的堅韌，和我一起踏上守護正義的旅程吧。」
粉絲跪求黃Viu唔好Cut歌
不少「Gi炎粉」收到消息後，都對於炎明熹驚喜為黃Viu獻聲表示支持同期待，更留言話：「Gigi 好野 希望唔好被 cut 歌」、「估計99%會cut咗首歌」、「咁又唔好咁講，只係套劇其中一首插曲，不用過多解讀，粉絲默默支持就得，亦希望多啲人放開成見，多聽Gigi的歌」。
炎明熹做李克勤個唱嘉賓
李克勤早前（19日）在紅館個唱第六場， 並請來炎明熹做嘉賓，兩人合唱了《合久必婚》，不少粉絲大讚炎明熹成熟又靚咗！炎明熹升上台時，看似有一點站不穩，非常搞笑，克勤就話「你真係一日一日長大喎，點解高咗咁多，你都因住我啦……哈哈。」GiGi笑道「你好，李生，我好開心見到你，點解咁高係因為今日著咗隻比較高嘅高踭鞋……今日裝扮未試過，有啲成熟」。
炎明熹緊身白背心曬身材驚艷網民
炎明熹年紀輕輕出道，一直以可愛形象示人。不過所謂女大18變，炎明熹一踏入18歲就即刻以性感造型出席活動。早前在珠海舉行的《芒果音樂季》上，炎明熹身穿緊身白色小背心突顯身材線條，網民都驚訝原來炎明熹竟然係「有料之人」，一直以來只係「禾罕冚珍珠」！
18歲生日排場大 酒店大搞生日會
小天后炎明熹今年迎來18歲生日，一班粉絲隆重其事，特地在酒店宴會廳大搞派對預祝炎明熹生日。一班粉絲更在生日會中與炎明熹大合唱，為炎明熹獻上生日歌，面對眾粉絲的厚愛，炎明熹都忍不住在生日會上數次落淚爆喊：「我由一個唔知道自己做乜嘢嘅人，到開始追尋到自己嘅夢想，然後開始遇見到大家，我覺得呢個緣分係好難得。我唔知大家可以陪到我幾遠，我話如果大家有啲嘢要做，大家唔見面都冇所謂，但其實我係好想見到大家，唔想大家離開我！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
