港姐2023｜高質佳麗再戰第二輪面試 翻版范冰冰、趙璧渝妹等個個戰鬥格上陣
廣告
今屆港姐2023首輪面試已出現過不少高質靚女，她們當中有不少佳麗都成功晉身第二輪面試，包括「翻版范冰冰」王敏慈、趙璧渝細妹趙穎琪、「翻版馮盈盈」莊子璇等，而且打扮得比上次更為性感，大部分都一副戰鬥格上陣！
港姐2023｜「翻版范冰冰」被插個妝太濃
《香港小姐2023》於今日（6月16日）進行第二輪面試，當中就讀北京中央戲劇學院的「翻版范冰冰」王敏慈再次現身，她謙稱覺得自己冇范冰冰咁靚，但有信心入圍，講到被指係整容樣，她否認並指上次被評判批個妝太濃，所以今日冇咁重手，又話兩次面試個妝都係自己化。
趙璧渝妹 谷線上陣唔認aggressive
趙璧渝陪妹妹趙穎琪到場，趙璧渝指第一輪面試因為自己要開工，所以冇陪到細妹到場，又指今次細妹條裙係兩姊妹一齊揀，只係想盡量突出細妹優點，唔算好aggressive，她亦有提細妹要笑多啲。
「火辣學霸」獲雷莊𠒇贈面試貼士
「火辣學霸」Michelle以低胸裙再戰港姐面試，講到提名她的雷莊𠒇，她直言對方有提點她面試要小心記者，因為記者們影相會影到她唔係好靚，更叫她要多做Gym，而講到今日的性感打扮，她表示只係想畀人cute同sweet的感覺。
「翻版馮盈盈」莊子璇 吊帶裙上陣
21歲莊子璇在首輪面試中被指最有冠軍相，貌似台灣演員宋芸樺加馮盈盈的她，今次就一改清純mode，以簡單的黑色吊帶裙上陣，顯得高貴又大方。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：YouTube@TVB娛樂新聞台
