盤點女星飯局價 蔡思貝獲開200萬 波波豪言:我話冇畀人問過,你哋都唔信啦
文:東方新地|圖:IG@krysellawong、IG@jacquelinchng、IG@ashinaaa、《Mean Talk》節目截圖、YouTube影片截圖@mandies kwok 肥蛙、微博@__熒__、新傳媒照片庫、IG@snow711
波波:我唔係出嚟賣
視后蔡思貝早前在節目中公開有人開價200萬邀請她出席飯局,而莊思敏亦曾表示有人給她開過1,500萬飯局價,郭奕芯都試過被開過超高飯局價。TVB新一代咪神「波波」黃婧靈在接受傳媒訪問時,亦直認曾被人問過價,她笑言:「如果我話冇畀人問過價,大家都唔信啦!」
不過波波表示自己並非「出嚟賣」,所以未有理會對方。波波直言無法阻止其他人的行為,因此對社交網上好多人的留言,都只會當係講笑。波波又指自己好好彩,無遇過一些好過分的應酬飯或者酒局,所以只要做好自己就得。
![波波話自己唔係出嚟賣嘅。(圖片來源:IG@krysellawong)](https://imgs.orientalsunday.hk/wp-content/uploads/2021/10/02_15572394906176617153ea5-820x1024.jpg)
莊思敏曾被出價1,500萬
而「拿督女」莊思敏曾表示有人出價1,500萬邀請她出席飯局,酬勞高到連她自己都不敢相信。郭奕芯早前在電影《#PTGF出租女友》飾演拜金女,她亦直言曾被開飯局價,價錢由幾百萬到天價都有,她笑言覺得對方出價太誇張,認定是騙局,所以從來都無回覆過。
![莊思敏曾表示有人出價1,500萬邀請她出席飯局。(圖片來源:IG@jacquelinchng)](https://imgs.orientalsunday.hk/wp-content/uploads/2021/10/03_17159772416176617384b26-819x1024.jpg)
蔡思貝自爆曾被開價200萬
早前在無綫節目《Mean Talk》訪問中,主持問蔡思貝有冇被人問過價,蔡思貝、賴慰玲和何雁詩都表示收過,而且唔止一次。賴慰玲亦指曾收問價訊息:「會send訊息嚟問一晚幾多錢?」何雁詩亦表示:「亦收過有係幫老細問飯局後有活動,要我開價錢﹗」
![蔡思貝和好姊妹賴慰玲和何雁詩上《Mean Talk》訪問,大家都好坦白,乜都肯講肯爆﹗(圖片來源:Mean Talk截圖)](https://imgs.orientalsunday.hk/wp-content/uploads/2021/06/sischoi8_169181262760d2d23e140a6-1024x575.jpeg)
蔡思貝直認不諱:「禽日先被人問完﹗我仲cap咗圖﹗」隨即把被問價短訊內容公開﹗江美儀話:「二十萬過夜價出手低,二百萬就話啫﹗」蔡思貝即答的確曾有人開價二百萬!不過她又表示無論出幾多錢都唔會心動:「因為我份人比較硬淨同有骨氣。」
![蔡思貝把被問價的短訊內容公開﹗(圖片來源:Mean Talk截圖)](https://imgs.orientalsunday.hk/wp-content/uploads/2021/06/-2021-06-23-11.48.19_95574551360d2c1689a288-1024x529.jpg)
大台二線姐仔匿名受訪爆飯局價
90後YouTuber肥蛙早前上載了一段以「電視藝人的真實訪談」影片,片中自稱為現職於大台的女藝人,以電話方式匿名接受訪問,大爆了多項大台秘聞。當肥蛙問到是否真的有男明星或女明星的飯局時,該名女藝人直認真的有,她說︰「但啲價開到好誇張,可能係1、2百萬,除非有其他事情要做,小飯局可能係幾十萬食一餐飯。我知道喺出面負責搵開人去飯局嗰啲人,佢哋有一個list,會寫明邊個女明星幾多錢。」
![女藝人補充指每次開工副導演都會擁有所有人的電話list,當副導演離開時就會將電話list帶走賣出去,令所有人都可以有藝人的電話list。](https://imgs.orientalsunday.hk/wp-content/uploads/2021/05/07_28798708260b47ae091613.jpg)
許亦妮公開飯局對話
而香港多位女星都曾經過收到飯局短訊!講緊嘅係前港姐許亦妮(Whitney),2016年佢突然喺微博貼出兩張對話Cap圖,對方話出價50萬,希望Whitney出席飯局。見到Whitney一直未有回覆,對方就不停催促,之後仲話客戶出價100萬甚至150萬!
![女星自揭飯局價 波波認好彩:無遇過好過分嘅酒局](https://imgs.orientalsunday.hk/wp-content/uploads/2018/12/nhv4dxh3MJN7gxp/323123_16872796545c0f9c871161f-683x1024.jpg)
咁Whitney有冇動心?答案係冇嘅!佢仲留言鬧爆︰「就算300萬,500萬,1000萬,多少錢我都不會考慮」,又指「第一,我不是這種女人!第二,我不會從這種途徑認識朋友;第三,我就算是窮到甚麼地步也不會選擇從這樣的途徑賺錢!」 最後仲好有禮貌咁講聲︰「謝謝」
![女星自揭飯局價 波波認好彩:無遇過好過分嘅酒局](https://imgs.orientalsunday.hk/wp-content/uploads/2016/07/nhv4dxh3MJN7gxp/cap5.png)
孫慧雪自爆飯局價
除咗許亦妮,2016年趁入行10年推出寫真集嘅孫慧雪,當年到商台接受祥仔及樂樂的訪問,問到擔唔擔心寫真集令男士有遐想?阿雪就話師傅(司徒夾帶)曾經同佢講過,唔好理其他人會點做,最緊要係自己開心同滿足。佢隨即又透露自從推出寫真後,微博同FB都收到唔少不雅照片,大多係男性下體裸照,大呻好核突好變態!
![孫慧雪早前在電影中扮演學生妹,獲讚零違和感。(圖片來源:IG@snow711)](https://imgs.orientalsunday.hk/wp-content/uploads/2021/10/05_8467196886176617729c50-823x1024.jpg)
阿雪又話有人喺微訊搵佢,話願意出30萬新加坡元(約173萬港幣)邀佢視訊,仲話會俾一半錢佢先!聰明的阿雪當然冇理會佢,只係同朋友笑吓就算。咁又有冇收過飯局問價呢?阿雪就話有人試過開價30萬人民幣(約35萬港幣),不過佢完全冇心動,覺得自己一定唔可以對唔住屋企人。咁如果出到1,000萬港元又如何?阿雪就強調都係唔去!
![阿雪話就算有人飯局出到1,000萬港元,佢都係唔會去。(圖片來源:IG@snow711)](https://imgs.orientalsunday.hk/wp-content/uploads/2021/10/06_185144370761766179432a0-819x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!