梁諾妍突公開洪永城「床照」嬲豬投訴 老公貼實情人畫面勁甜

梁諾妍公開洪永城「床照」投訴

在片段中，可以看到她走進了二人的睡房，發現丈夫洪永城和大女兒「Sir Face」正在睡覺，兩父女貼得非常近，彷彿情人一般親密，畫面有愛，Inez發文：「就連我都未試過瞓到咁埋 #前世情人 #真係好埋 #笑死我」之後，她再指「兩個瞓得好冧，交換晒呼吸笑死」。

圈中好友紛紛留言讚好，楊茜堯留言：「好sweet lor，爸爸要珍惜吖😍」不過洪永城則表示「影到我，please del」 Inez即搞笑回覆「兩個都係Amber嚟，冇你份」，同為人父的區永權更羨慕表示想晚上開工造人，亦有網民發現「Sir Face」似乎趕住瞓，床上竟然有一隻鞋：「心急到連鞋都除住上床」。

洪永城睇老婆演親熱戲反應

《家族榮耀之繼承者》梁諾妍（Inez）在劇中飾演大馬拿督女兒Gigi，並與飾演丘智斌的羅子溢有不少對手及親熱戲。在第12集中，Inez與子溢有一場在遊艇上的熱吻戲，洪永城為了幫老婆曲線宣傳，自己亦乘機投訴一下，日前於內地社交平台上載「直擊老婆親熱戲」旁述片段，洪永城先是甜言蜜語讚爆老婆：「朝頭早起身都咁靚」、「古銅色嘅皮膚真係好襯佢，一開始我就係畀佢嘅膚色吸引」。

洪永城自爆：你從來冇咁樣喺後面攬過我喎

當見到太太Inez從後熊抱半裸的子溢後，洪永城即「嚟料」瘋狂投訴。他先是皺晒眉頭謂：「你從來冇咁樣喺後面攬過我喎？！」

洪永城激到噴煙 網民：內心真夠強大

當聽到Inez表示鍾意子溢夠Man時，洪永城再搞笑「隔空」反擊：「我冇胸肌咩？係腹肌爭啲啫」。去到戲玉「親熱戲」，洪永城先是大叫：「喂喂喂，使唔使出埋脷咁嘅？」，還後加「激到面紅」特效，之後才沒好氣放低電話並向鏡頭申訴：「即係呢場戲唔使咁close嘅…使唔使錫咁耐呢？我老婆都冇話畀我知錫咁耐。」

洪永城的「搞笑投訴片」成功掀起熱話，不少網民看畢直呼「笑到肚痛」，還有人搞笑留言：「麻煩楊怡也出一期（直擊片），好搞笑」、「你要不要約楊茜堯一起觀看？」、「內心真夠強大」。