林泳淘坐地鐵慘遭非禮「拍PatPat」 貼受害經過反惹公審即反擊
林泳淘搭地鐵被非禮
現時33歲的林泳淘在20日突然發IG限時動態,自揭在搭地鐵時慘遭陌生男非禮拍PatPat :「啱啱搭地鐵,準備開車之際feel到 pat pat俾人好快咁拍佐一下,我即刻望過去,就見到呢個人好近咁企咗喺我後面。我一直望住佢,佢就一直都係咁樣望前面,真係唔知佢係有心定無意,但我好後悔當刻無即刻指證佢,起碼等佢驚一驚,之後唔敢咁樣對其他女仔。嬲啊!」
![林泳淘更將疑似非禮她的男士影低並分享至限時動態。](https://imgs.orientalsunday.hk/wp-content/uploads/2023/06/photo1687271601-1_16036751656491bd4350d1c-575x1024.jpeg)
林泳淘指控陌生男反被鬧
不過限時動態分享至社交平台數小時後,林泳淘卻將原有的「非禮」限動刪除,並再次在限時動態中表達感受,表示自己收到不少網民的訊息,當中有人很有共鳴,但同時亦有人留言可憐「陌生男」並指罵林泳淘。她也預計到會被網民攻擊,林泳淘續說:「出story之前,我已經預咗會被人話,因為我真係無當場對質,呢樣亦係我最嬲自己嘅一點。不過係一架唔太full嘅車卡入面,企埋一位女士格離,係運行中有意無意碰一下,雖然時閰好快好短,但令我覺得非常唔舒服亦係真的。收到好多女仔 msg佢哋都遇過呢種情況,當下真係又嬲又唔知可以點,我好明白。我自認自己係一個比較大膽唔怕事嘅人,但個刻我都 hand機,所以我先更加後悔,同決定出呢個 story。希望女生任何時候都要好好保護自己,希望男士們見到要好好保護自己嘅女伴同身邊嘅人,呢啲咁嘔心嘅事真係一單都厭(嫌)多。」
林泳淘行走的小背心
林泳淘亦都是一代「東張女神」,平時周圍走採訪,經常着小背心幫助散熱,造就唔少令人窒息畫面,每次有小背心出現,都會被網民cap圖廣傳!不過林泳淘都有尷尬時候,曾經一度「投降」聲稱唔再着小背心上鏡,但熱天除了為大地帶來美腿,亦會令人大出汗水,所以小背心一直都未有在《東張西望》絕跡。
![林泳淘小背心令她升格成為第一代「東張女神」。](https://imgs.orientalsunday.hk/wp-content/uploads/2022/04/4-1050x563_14177603165b582b1b2781b-1024x549_874417304626314ca0afd0-1024x549.jpg)
林泳淘主持《東呃西騙》重現小背心造型
林泳淘在早前在ViuTV劇集《和解在後》中,再次重現《東張西望》中的小背心造型,並用上靈魂「斜孭袋」去突顯身形。除了造型還原之外,劇中林泳淘更是拎住《搵嘢嚟講》的咪牌追住金魚街死魚事件的嫌疑人文駿軒,完美自抽過去在《東張》中的主持身份。第一集有驚喜客串之外,就連最後一集都再次出現,成為關鍵人物。
![林泳淘 j 林泳淘](https://imgs.nmplus.hk/wp-content/uploads/2023/04/w1200-1_203392439964425386cc345.jpeg)
林泳淘特意參考《東張西望》
在劇中林泳淘更係大玩濕身,她表示劇組特別為她準備了幾套一模一樣的服飾,並有提供打底。是次拍攝都令到林泳淘再次想起以往主持《東張西望》的經歷,她透露劇中的對白都是由導演趙善恆及編劇同事特意參考《東張西望》寫出來,並加埋《東張》入面的「咬住唔放追問式」採訪方法,令林泳淘都回憶滿滿!
![林泳淘 j 林泳淘](https://imgs.nmplus.hk/wp-content/uploads/2023/04/w1200-2_9117497006442539b4b659.jpeg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!