李龍基出席公開活動 不斷叫「老婆」Chris竟走人場面尷尬
李龍基不斷叫「老婆」Chris竟然急腳走人
日前有傳媒報道,指李龍基在出席TVB於年三十晚(9日)舉行的《除夕倒數迎金龍》的直播節目時,在後台一度被傳媒要求與未婚妻Chris一同合照。雖然李龍基不斷叫「老婆、老婆」,邀請Chris一起合照,但Chris就急急腳離開。一臉無奈的李龍基隨後亦表示按照律師的建議,所以並不會接受訪問。
![李龍基 chris 李龍基 李龍基右)於年三十晚9日)出席TVB舉行的《除夕倒數迎金龍》的直播節目。](https://imgs.orientalsunday.hk/wp-content/uploads/2024/02/screenshot-2024-02-11-at-4.28.41-pm_43880075165c8856102727.jpg)
![李龍基 chris 李龍基 雖然李龍基不斷叫「老婆、老婆」,打算搵Chris一齊合照,但Chris就急急腳走人。](https://imgs.orientalsunday.hk/wp-content/uploads/2024/02/e3xlx_ggloq3yoxyfhsatkfaegrz_yuebvc2kgbwtio_134819904365c87700af0a6.jpeg)
早前出活動「換畫」唔見女友Chris身影
李龍基早前接受了胡楓的訪問,並在訪問中極力維護未婚妻Chris,表示每個人都有黑材料,仲大爆Chris承諾「我以後會乖乖哋」,李龍基更稱只要知道Chris同自己互相愛對方就夠。不過就在李龍基終極告白後幾日,他再次出席活動時就已經唔見Chris的身影,身邊的女伴仲突然變成89歲的羅蘭姐,令網民不禁猜測Chris是否要暫時「避世」。
![李龍基 chris 李龍基 王青霞 李龍基日前出席活動時身邊的女伴突然變成89歲的羅蘭姐。](https://imgs.orientalsunday.hk/wp-content/uploads/2024/01/-2024-01-31-5.49.30_52795552465ba1ce8015b9.png)
![李龍基 chris 李龍基 王青霞 李龍基仲連續分享2張同羅蘭姐的合照。](https://imgs.orientalsunday.hk/wp-content/uploads/2024/01/-2024-01-31-5.49.39_30032955765ba1ce311376.png)
Chris被目擊極低調現身
對於Chris突然冇孖住李龍基現身活動一事,隨即引起不少的猜測。但是就有網民表示其實Chris當日亦有出席活動,只不過未知是否因最近傳聞纏身,Chris以極低調的造型現身,除咗帶口罩同帽擋樣外,仲喺發現鏡頭時即刻轉身,似乎十分擔心被影到!
![李龍基 chris 李龍基 王青霞 有網民指Chris其實有出席活動,不過就打扮得超級低調。](https://imgs.orientalsunday.hk/wp-content/uploads/2024/01/-2024-01-31-6.21.09_100701013065ba1f248a17a.png)
李龍基默認未婚妻黑材料
李龍基早前接受了修哥的專訪,大談近期未婚妻Chris黑材料滿天飛的事件。被修哥問到對自己的想法時,李龍基表示:「唔諗咁多」,更稱:「其實我哋知道,Chris愛我,我愛佢,足夠」。對於最近不斷成為城中熱話時,李龍基默認了早前爆出關於Chris的黑材料:
「講真每一個人都有佢嘅過去,好多人摷佢啲黑材料出嚟畀我睇OK,我咁諗,佢有佢嘅過去,講真我都有我嘅過去,都有黑材料,但係冇人摷出嚟咁解咋嘛。不過千祈唔好摷啊,只不過我真係覺得,人一定有個程序,過去嘅由得佢過去。」
李龍基自爆未婚妻7字承諾
李龍基除了大談Chris的黑材料一事外,更自爆未婚妻對自己許下的7字承諾:「佢都成日同我講:『我以後會乖乖哋』」。而李龍基對未婚妻的承諾非常受落,又表示:「咁就得啦,唔需要太多㗎,以後乖乖哋就ok」。李龍基話畢更向修哥賣口乖稱:「我都係得到修哥嘅教誨」,最後二人一同哼出《沉默是金》的歌詞,為專訪收尾。
![李龍基 chris 李龍基 王青霞 李龍基 女友 李龍基更自爆Chris對他許下的承諾。](https://imgs.orientalsunday.hk/wp-content/uploads/2024/01/untitled-design-7_152662004765b7260be2131.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!