姊妹們的國際市場｜Mishy李昭南泳裝震撼！ViuTV「最被低估」女主持

Mishy李昭南黑繩由心口掛上頸 余德丞唔敢直視

最近播出的《姊妹們的國際市場》第七及第八集一連兩晚POOL SIDE PARTY！去得游泳池拍節目，泳裝自然成為最養眼衣著，為了搶鏡眾女出盡渾身解數，當中以李昭南（Mishy）最為矚目，「肉」壓一眾女參加者， 眼球衝擊令到擔任主持的余德丞同阿正都唔敢直視！

阿正：我係女仔都唔知隻眼可以望邊！

Mishy（李昭南）在節目中穿上性感泳衣登場，其泳衣設計有兩條黑繩由心口掛上頸，阿正忍不住說：「我係女仔都唔知隻眼可以望邊！我想問你今日算係進擊定係防守？」Mishy即時笑笑口反駁話：「平時我唔著泳衣，我裸泳㗎 ！」余德丞在旁表示：

「從男士個角度睇，嗰兩條黑色嘅線好尷尬，驚我睇唔到佢條線咁，佢已經好明顯，佢仲要擺條黑色線喺度，我唔知可以望邊度啊！」

當下搞到Mishy非常尷尬，即時要用手上的禮物遮掩心口，場面搞笑。

&t=41s

Mishy李昭南內涵深不見底

Mishy李昭南被封「ViuTV女神」，擁有甜美外表及出眾身材，這都是出道後給人第一印象，但原來這一面真係好表面，Mishy的內涵其實深不見底。Mishy家族經營酒樓生意， 她幼時隨家人移民美國，於加州聖利安卓高校畢業後，以全額獎學金入讀加州大學戴維斯分校，以高等榮譽成績畢業於傳播及舞台系！

Mishy精通兩文三語 美國畢業做主播

Mishy精通兩文三語又精於多種樂器，曾贏過西方古典鋼琴獨奏及歌唱比賽，大學畢業後Mishy在美國華盛頓政府總部電視台做主播，後來決定放棄工作回流香港發展。

Mishy李昭南泡泡浴球勁受歡迎

Mishy李昭南於16年當選「全美華埠小姐」第二公主後，即加入ViuTV擔任主持及拍劇，過去曾主持過《 Good Night Show 全民星戰》及《樂齡日記》等節目，堅持幕前工作的她，日前獲好友司徒夾帶操刀拍了一輯靚相，Mishy更透露最近自製了一批泡泡浴球作義賣，為傷殘人士籌款，點知浴球一出大受歡迎，很快就售罄。

Mishy李昭南望觀眾睇多幾面

Mishy在司徒夾帶操刀的靚相中，展露了隱藏多年的紋身，她在社交網留言詳述關於這個紋身的故事，好讓大家不要再以貌取人，她更自稱是「內貌協會成員」，看得出Mishy很努力營造自己的印象，她早前曾在訪問中強調，希望觀眾能看到她的多面向，例如在專欄及節目中展示具社會責任感及學術理念的訊息，而非單純表面的演出。

Mishy李昭南唱又得演又得

33歲的Mishy李昭南操流利英語，擁有強勁的音樂底子，曾推出個人單曲〈勒索〉，由主持跨界做歌手，佢IG嘅福利度仲好高添。本地囡囡攝影師司徒夾帶早前邀請咗Mishy拍攝 patreon寫真，表示Mishy 真係好有型，身材好之餘，仲係「第一次見到有人影完相會踩滑板走嘅，我立刻心心眼兼中箭」，佢仲話：

第一次見到Mishy真人，我心諗：咁大件事冇人講嘅？

Mishy李昭南被封ViuTV最被低估女主持

Mishy李昭南去年於水上遊戲激戰節目《海陸勁技場》，勁騷出眾身材一鳴驚人，今年泳灘已解封，唔知Mishy今年幾時下水禮呢？

Mishy李昭南是女子樂隊Luna隊長

除了以流利的兩文三語擔任司儀，Mishy亦擅長自彈自唱及擁有Perfect Pitch 技能，她是香港女子樂隊 Luna 隊長，她表示未來的事業目標會以音樂行先。Mishy又曾演出過不少 ViuTV 劇集，包括《 假設性無罪 》、《 理想國 》和《 黑市 》中的單元劇等。