房署署長羅淑佩被指請假捧Ian場 FB晒1相打破傳聞!
羅淑佩被指為睇Ian請足假6日假
羅淑佩於Ian演唱會首場就大方現身支持,事後亦在社交平台曬出多張演唱會的照片,仲留言示愛「真心好聽,真心好睇,真心喜歡!作為粉絲真心滿足的一個音樂盛會!感謝唱作歌手,在台上閃閃發光的Ian Chan!」而根據政府網頁的資料顯示,羅淑佩於本月20日至25日休假,時段時正好同Ian的演唱會日期重疊,隨即引來唔少網民熱議,齊齊猜測羅淑佩係唔係特意請足7日假支持Ian的演唱會。
![房屋署署長 羅淑佩 Ian的首次個人演唱會於本月19日開鑼,而作為忠實Hellosss的房署署長羅淑佩亦有送上花籃兼現身支持Ian!(圖片來源:Facebook@Rosanna Law)](https://imgs.orientalsunday.hk/wp-content/uploads/2024/07/-2024-07-22-11.08.35_1659221933669dd920abe68-823x1024.png)
羅淑佩FB晒1相爆真相
雖然唔少網民都猜測羅淑佩係攞足7日假去睇Ian演唱會,不過羅淑佩的假期其實並非用嚟撐Ian場。日前(21日),羅淑佩就在個人社交平台晒出1張打卡多啦A夢嘅照片,而相中可見係攝於北海道新千歲機場。羅淑佩更留言表示:「Doraemon 無處不在,昨天一落機又見到……」打破網民的猜測!
![房屋署署長 羅淑佩 羅淑佩日前在社交平台晒出於北海道新千歲機場拍攝的照片,側面打破網民猜測佢請足7日假睇Ian演唱會的傳聞。(圖片來源:Facebook@Rosanna Law)](https://imgs.orientalsunday.hk/wp-content/uploads/2024/07/-2024-07-22-11.06.49_694944964669dd9dd35de1.png)
房署署長羅淑佩公開欣賞Ian心聲 爆年輕時喜愛另一情歌王
唔少人都知房屋署署長羅淑佩有追星,係MIRROR成員陳卓賢(Ian)的粉絲,近日她受訪再大方分享追星經歷,仲借一首歌鼓勵大家。
追星無分年齡 羅淑佩坦言不解
羅淑佩在恆生大學傳播學院《恆傳感言》的訪問中提到,她不明白為何在這個時代,人們會覺得她喜歡年輕歌手是一件奇怪的事。
「我媽咪嗰輩,如果鍾意陳寶珠、蕭芳芳、任劍輝、白雪仙,係人都知喎,我係邊個嘅迷。我成長、讀書嘅時候,譚詠麟、張國榮、或者陳百強、Beyond,我鍾意佢地又係人都知。」
羅淑佩公開場合支持Ian 遭質疑自爆年輕時喜愛譚詠麟
羅淑佩多次在公餘時間被發現到陳卓賢的活動中支持他,這樣的行為引起了一些人的批評。對此,羅淑佩表示:
「一個好似我咁嘅年紀、做我呢啲工嘅人,原來好似唔係好應該鍾意一個年輕啲嘅香港歌星或歌手?係咁㗎咩?唔係一向都講俾人聽咩?我後生鍾意譚詠麟,到而家佢全部碟齊晒,所以我覺得好自然啫。」
羅淑佩欣賞Ian的正面形象 推介呢首歌!
羅淑佩解釋,她之所以會公開表示喜歡Ian,是因為他在音樂之外,還有其他值得欣賞的地方。她大力推介Ian去年包辦作詞、作曲、編曲的一首歌——《地球上的最後一朵花》。
「當你自己覺得是一朵孤花時,其實也可以有生命力、可以成長……其實你有信念呢,你一樣可以生根、生長,一樣可以將花粉傳開去。」
MIRROR成員陳卓賢Ian應馬會邀請,出席《時尚煲呔賽馬日》並擔任開幕表演嘉賓。著名Ian粉絲房署署長羅淑佩亦有現身支持,仲全程春風滿面, 甜笑冧爆全程跟住唱,Ian都表示非常感激署長支持,並且希望大家畀「多啲空間」署長。
![房屋署署長 羅淑佩 Ian陳卓賢今日(15日)在馬場擔任《時尚煲呔賽馬日》開幕表演嘉賓。(圖片來源:東方新地)](https://imgs.orientalsunday.hk/wp-content/uploads/2023/10/photo_6149740672601667954_y_482610253652b8410c6edc.jpg)
房署署長羅淑佩現身馬場捧Ian場
西裝骨骨的Ian今天戴住煲呔登場,一登場就唱出三首個人作品《正式開始》、《抱抱無尾熊》及《留一天與你喘息》,全場Ian粉絲都非常興奮,每位都跟住Ian一齊大合唱,就連首席Hellosss房署署長羅淑佩都冧爆全程跟住一齊唱,非常投入!
![房屋署署長 羅淑佩 署長羅淑佩全程跟住唱。(圖片來源:東方新地)](https://imgs.orientalsunday.hk/wp-content/uploads/2023/10/vs-telegramweb-017_520346748652b83fcce67e-771x1024.png)
Ian感激署長支持:聽到署長讚我叻仔
活動結束後,Ian在接受訪問時感激署長的支持,表示很開心能夠再次在活動上遇到對方:「之前都有特別感謝佢,佢有一次做訪問有提到我嗰名、有讚我,我好開心。我媽咪之後有好Proud咁同我講返呢件事,話聽電台聽到署長讚我叻仔,話我叻仔,我阿媽都好少讚!」
![房屋署署長 羅淑佩 羅淑佩於今年7月仍是運輸署署長時接受電台訪問,自爆是Ian的粉絲「Hellosss」。(圖片來源:YouTube@香港電台公共事務組RTHK)](https://imgs.orientalsunday.hk/wp-content/uploads/2023/09/-2023-09-13-1.27.15_18299844596501486083207.jpg)
尊重署長閒時追星 望給予對方「多啲空間」
Ian亦希望大家能夠給予署長多點空間:「希望大家可以畀啲空間佢,因為佢都係工餘時間做一啲令自己放鬆同享受嘅事,我覺得係好尊重,亦都好多謝佢!」當得悉署長全程跟住大合唱,Ian笑指:「好開心!好鐘意同大家一齊大合唱嘅Moment,又可以突擊檢查吓大家係唔係真係有用心聽。」
![房屋署署長 羅淑佩 署長曾經追星追到入機場。(圖片來源:IG@Ian_koalabb)](https://imgs.orientalsunday.hk/wp-content/uploads/2023/09/rz9qs_6-8enoyv9xaybb2cvcpc56wdw9_561061582650147cd958bb.jpeg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!