張建聲直播哭訴求開戲機會飲到屙血 自爆與細16歲女友分手原因

張建聲直播呻「香港暫時唔需要我」

張建聲在直播中直言自己「好X攰」，並坦承面對住香港電影市場的萎縮，自己不得不到海外尋找新的機會。張建聲亦透露，他的生活已經被迫改變，不但從香港搬到廣州，甚至還嘗試在日本和馬來西亞等地尋找開戲機會：「因為我要食飯，香港冇人搵我拍戲，香港暫時唔需要我，我唔食，我屋企都要食。」更直言「個餅就係得咁X大」，自己亦不希望去「乞」觀眾嘅票。

張建聲自爆飲到屙血兼甩拖女友原因

張建聲除咗面臨冇戲開嘅困局外，佢更透露身體和心理健康也受到嚴重影響。他在直播中提到，為了角色需要，曾多次進行劇烈的體重管理，對健康造成極大壓力：「第一，我拍X到我身體有問題；第二，我拍X到呢度（腦部）有問題，我要食藥」隨後更哽咽表示「我拍X到條女都冇X埋…」自爆與細16歲女友分手原因，兼直言下月就42歲，好想結婚嘅念頭。

張建聲還提到了他在尋找投資者和應酬過程中，不得不飲酒過量，導致身體出現嚴重問題，甚至試過飲到屙血！

網民意外超兩極

張建聲在直播中嘅發言，隨即就引來網民兩極討論，：「藉口啫⋯⋯！你自己鍾意飲酒就肯定有千千萬萬個藉口啦！」、「先謀生活，才可講興趣。 搵份恆常工做先，有機會才演戲」、「女人賣埋身都難上位啦，何況男人」、「心態問題… 做演員唔係飲酒就有工開…」、「講來講去係要講媾女」