巴黎奧運 61歲倪夏蓮「反智轉身」爆紅！網民：呢球可以吹一世

巴黎奧運2024於昨日（7月31日）進行了乒乓球女單32強比賽，當中最矚目的莫過於由代表盧森堡出戰嘅61歲前乒乓球國手倪夏蓮，以及23歲的中國選手孫穎莎上演的「嫲孫大戰」。倪夏蓮仲係今屆最老嘅選手，不過就算面對住世界排名第一嘅孫穎莎都唔怕，除咗比賽時表現得超正能量外，仲上演咗香港人超熟悉嘅「反智轉身」，睇到唔少網民都激讚「呢球可以吹一世」！

倪夏蓮「反智轉身」網民爆like

倪夏蓮在第4局最後一分就分勝負，倪夏蓮只得4分，對面已經係match point，倪夏蓮仲瀟灑打出一招「反智轉身」扣殺，雖然都係落網，但整個動作都超有型！

唔少網民都爆笑留言：「呢球可以吹一世」、「其實佢係唔係睇過動漫節條片？」、「好L勁 場波佢先係主角」、「講真呢個反智轉身輕鬆反應得好快」

倪夏蓮正能量獲網民激讚

倪夏蓮在比賽中雖然多次被孫穎莎拋離，但係倪夏蓮就完全冇展示任何不忿，反而係keep住笑笑口，正能量爆燈！

中場休息拎住可樂飲

倪夏蓮在中場休息時更拎住可樂飲，令唔少網民都話呢位乒乓嫲嫲十分可愛！倪夏蓮賽後更獲場下的老公兼教練Tommy Danielsson冧爆獻吻，畫面簡直sweet到漏！

吳保錡@ERROR分享正能量：為夢想衝刺

近年參與做運動兼喜歡分享正能量的ERROR成員吳保錡，亦轉發倪夏蓮打波影片發文指：「倪夏蓮、61歲、世界排名32。『成績不重要，重要的是享受比賽。只要打得開心，我就沒有理由停下來。乒乓球給了我一副好身體，接下來就要用這個好身體一直打下去。我現在最希望好好探索一件事——從高水平競技角度來看，人類能在乒乓桌邊打到幾歲』。」

「當61歲還在堅持夢想而且做得很好的時候，我們真是沒有借口，一副好身體才可以接受任何挑戰。自律的生活態度、自律的生活作息，不要借助酒精煙草麻醉自己，堅持挑戰堅持探索，繼續開心快樂，為夢想衝刺。」

倪夏蓮原來係中國隊陪練

雖然倪夏蓮最後以局數0:4落敗，但倪夏蓮其實係孫穎莎同埋王楚欽嘅陪練，更喺乒乓球混雙決賽前已經陪2人練習。倪夏蓮出生於上海，祖籍浙江嵊縣，因此佢坦言今次成為中國隊嘅陪練係報答嘅時機：「我能有這樣的機會回報祖國，回報中國隊，為他們在奪取冠軍的路上，掃除那麼一點點障礙，我是非常非常幸福的。」

即刻睇片！（18:10經典重現）