學神爸媽GetSetGo｜終極挑戰湊兄弟難度升級 袁偉豪和森美如何應對

森美出動「古惑的賽制」氹掂小朋友

今晚播出一集，繼續有學神爸媽袁偉豪（Ben）、張寶兒（Bowie）和老手爸爸森美擔任嘉賓。來到最後一集難度自然 Level Up，「個案人物」是兩兄弟：10 歲的Aiden 和 5 歲的 Arthur，要打孖上湊兩個小朋友自然不簡單。三位嘉賓首個任務，要在 10 分鐘內引導兩兄弟射入相同數量的籃球，並從中找出他們難湊的原因。在頭三集甩碌無極限的 Ben，來到最後一集來個大蛻變，對小朋友多了細心聆聽，很快便與兩位小主角打成一片，只是礙於年紀較細的 Arthur 不受控只顧自己玩，令 Ben 未能順利完成任務；之後森美接力上場，出名「轉數快」的他以「比賽形式」及「古惑的賽制」成功氹掂兩兄弟射入相同數量的籃球，相當醒目。

原來兩兄弟難湊的原因是「年齡有差距玩唔埋」，接下來的第二個任務是要哥哥將食物平均分配給弟弟，率先上場的 Bowie 同樣 Hold 不住場面，哥哥 Aiden 胡

亂地分配食物，聽到細佬 Arthur 不想吃甜食，竟將所有糖都分給弟弟！接力上陣的森美甫出場即胸有成竹，即使製作組將難度加碼將要分配的食物換成兩兄弟最愛的芒果乾，森美亦以一招完美令兩兄弟公平地分配食物，Bowie 見狀不禁讚嘆：「今日學到嘢！」到底森美用了甚麼方法？

最終任務是要在 30 分鐘內令哥哥教好細佬打籃球各樣技巧，率先上陣的森美除去外套大晒爆肌，又細心教導哥哥要對細佬有耐性：「每次同細佬傾偈時，你試吓望住佢對眼。」Aiden 跟足森美教導去做，惟 Arthur 繼續放飛自我自顧自玩，即令 Aiden 大感氣餒：「呢個方法唔 Work 喎！」此時由「豬隊友」升呢「好隊友」的 Ben 突然「神助攻」，從遠處大聲熱血 mode 鼓勵細佬：「快啲射啦，仲有一球咋！」，一臉的熱情、真摯及關愛，成功令細佬重燃意志順利完成任務，看來 Ben 在製作組的悉心調教下果然有顯著進步。

難忘昔日一支凍水唔夠全家人分 爸爸永遠自願犧牲

臨床心理學博士 Ming 分享教識小朋友「分享」非常重要，令森美憶起兒時一家人一支水幾個飲的溫馨時光，他說：「以前我哋雪櫃好細，擺得一支凍水㗎啫，夏天游完水返嚟就一家人飲，三杯左右就飲晒一樽，但係一家有四個人，咁嗰三杯邊個飲呢？永遠都係爸爸犧牲。」感性的森美哽咽說：「細個每一次食芒果時，爸爸都係食中間個核，佢會話：『你哋食兩邊啦，我食核得喇。』直到我自己做爸爸切芒果時，我都會講番爸爸呢句說話，呢啲其實都係好少嘅犧牲，但係我依家都會記得爸爸對我哋嘅愛。」節目尾聲，森美大哥催 Ben 和 Bowie 快啲追多個小朋友：「你哋依家學到點湊小朋友啦，係時候快啲生多個啦！」阿 Ben 甜笑問老婆：「生多個喎？」Bowie 則笑笑口回應：「生囉！」冧到爆。

想知道更多相關精彩資訊，敬請留意 www.tvb.com 。