單立文自爆曾暗戀王菲 直言接受精神出軌 咩都講但拒答有冇做過一件事
文:東方新地|圖:《Mean Talk》影片截圖、單立文及滕麗名IG、新傳媒圖片
單立文:精神出軌好好玩
「豹哥」單立文同「豹嫂」胡蓓蔚由2008年結婚至今一直非常恩愛,但日前單立文在《Mean Talk》上竟然自爆兩人之間有個「虛擬二奶」,他直言:「我所有朋友都知我有小三,精神出軌係好好玩嘅嘢!」他又笑指自己和老婆已認識了廿多年,但決定結婚完全是因為當晚「飲大咗」,更被豹嫂拍下了影片,唯有被逼就範。
![豹哥指「虛擬小三」的存在,是他與豹嫂(左)共同設定,這個「二奶」更連名都有,叫「佩恩」,住在深圳福田區,約三十多歲。(圖片來源:豹哥IG)](https://imgs.orientalsunday.hk/wp-content/uploads/2021/06/04_130269376860d57f54ca015.jpg)
講到圈中不道德戀情,豹哥自爆首次拍無綫劇《千歲情人》時,曾因抽離不到角色而愛上劇集女主角王菲,他憶述當時情況說:「夜晚瞓覺會掛住佢,第二朝見到佢對戲又會好似好開心咁,但當時佢已經同竇唯一齊,已經結咗婚。」
![豹哥在《千歲情人》中飾演一個癡戀王菲的不死人。(圖片來源:豹哥IG)](https://imgs.orientalsunday.hk/wp-content/uploads/2021/06/03_122565059360d57f53210ce.jpg)
踢爆王菲曾隱婚
不過《千歲情人》的拍攝年份是在1992年到1993年,而根據資料王菲和首任丈夫竇唯是在1996年中奉女成婚,即係豹哥意外踢爆了王菲當年曾隱婚起碼3至4年。
![豹哥堅稱當年拍《千歲情人》時王菲已嫁給了竇唯,即係當年兩人曾隱婚起碼3至4年。(圖片來源:新傳媒圖片)](https://imgs.orientalsunday.hk/wp-content/uploads/2021/06/13_3279700160d57f646c83e.jpg)
拒簽有冇「叫雞」
之後豹哥主動出擊,詢問滕麗名:「你接唔接受到你老公『叫雞』?」江美儀即代滕麗名反問:「咁你會唔會『叫雞』吖?」一向敢言的豹哥這次卻拒絕回答,只說:「點會對住鏡頭話自己『叫雞』㗎,你係咪癲咗呀?你做主持人用吓腦諗嘢啦!」
![豹哥又提到曾因講Mean爆笑話而得罪了一個高層,但這高層最近已離開了無綫。(圖片來源:《Mean Talk》影片截圖)](https://imgs.orientalsunday.hk/wp-content/uploads/2021/06/17_76400532660d580eac65f7.jpg)
而滕麗名與老公朱建崑(Matthew)結婚近8年,她坦承結婚初時,曾經因一時衝動向老公提出過離婚,她笑言當時老公嬲到攞張結婚證書出來要撕爛,令她忍不住笑了出來,說:「傻豬!離婚要搵律師㗎,唔係搣咗佢就得!」結果老公也被她逗笑,成功瓦解了這次婚姻危機。
![滕麗名指有一次自己撞斷了肋骨,卻堅持要踩單車,因此被老公狂鬧。(圖片來源:滕麗名IG)](https://imgs.orientalsunday.hk/wp-content/uploads/2021/06/02_143644900560d57f516fc7e.jpg)
其後豹哥講到自己難頂的前輩是李家鼎(鼎爺),因為他太粗口橫飛,滕麗名就指鼎爺曾救過自己一命:「嗰時《尋秦記》我要拍騎馬戲,啲馬係未受過訓練嘅,跟住導演要我騎住一隻,手揸住一隻,仲要係咁跑,手上面又有劍又剩,但嗰兩隻馬打交喎!我真係搞唔掂,咁我離遠見到鼎爺咪叫佢救命咯!」
![滕麗名在《尋秦記》中有多幕騎馬戲,有次險些出事,幸得鼎爺救命。(圖片來源:新傳媒圖片)](https://imgs.orientalsunday.hk/wp-content/uploads/2021/06/15_16116186960d57f684faa7.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!