KC全民造星5｜與Lyman同分奪亞軍！靠「全民投票」分勝負

全民造星5 決賽︱得獎名單：

冠軍：Lyman 香胤宅 18分

亞軍：KC 黃家灝 18分

季軍：亨仔陳鎮亨 14分

第4名：希晉 王希晉 14分

第5名：Tsoul 田曜誠 14分

第6名：Ash 盧信宥 12分

第7名：Taco 黃泓祖 10分

第8名：王鋒 6分

第9名：Snoopy 詹仕偉 5分

「全民投票」及「星級專業評審」分數合計，由於Lyman與KC同分共得18分，最終以「全民投票」分數更高的Lyman奪得冠軍，而KC則成為亞軍。另外，亨仔、Tsoul和希晉同樣奪14分，但由於亨仔「全民投票」分數更高，最終奪季軍，希晉則飲恨成為第4名。冠亞季軍共可得40萬美髮禮券。

更多：全民造星5 決賽｜8大花生位逐個數 成班評判似隱形近乎冇出過聲！

全民造星5 決賽︱「全民投票」走勢Lyman遙遙領先

總決賽計分方法分為「全民投票」及「星級專業評審」2個部分，各佔部分，兩者合共分數最高則是冠軍。截至8時15分，直播中公開現時的最新「全民投票」走勢：由Lyman遙遙領先排第1，第2為亨仔，第3名是KC。第4至第9名分別為Taco、Ash、Snoopy、Tsoul、王鋒及希晉。

9時45分，節目公開最新的「全民投票」走勢，三甲位置沒有變動，Lyman繼續領先排第1，亨仔亦有上升的趨勢排第2，第3繼續是KC。另外，亦公開了「星級專業評審」的第1輪評分，由奪43分的Tsoul排第1，第2為41分的亨仔，第3為40分的KC。至於Lyman則排得7，只得33分。

更多：全民造星5 決賽︱Lyman香胤宅奪冠軍 與KC同分靠「全民投票」分勝負

全民造星5 10強｜KC黃家灝 25歲｜香港選手｜專長：跳舞 & 創作、日文、打機

KC在10強爭奪戰中為最後登場，對手是唱得之一Carson，KC隨著比賽受盡壓力，收起了昔日笑容，自言「壓力瘦」變得愈來愈少肉，他挑戰Rap自創歌曲《藍毛毛演唱會開始了》作為表演項目，除了以自己偏食壞習慣為題材之外，Rap詞還自嘲走音、失準等內容，評判陳詠謙對他不禁大讚：「你除咗好靚仔之外，你仲係好有天份！」KC擔心大定覺得自己的表演「幼稚」，陳詠謙即說：「其實可能好多人覺得你幼稚，但幼稚唔好咩？」曾在韓國留學的Carson以韓文唱《Full Bloom盛開》壓軸出場，以超水準歌藝令五位評判大嘆「好難揀」，更問製作組可唔可以加多個位，到最後KC以3比2勝出，進入10強總決賽。

全民造星5｜10強名單如下：

Fung莎星辰藍組10強名單

• 1號王鋒(王鋒)｜26歲｜香港選手（十強大熱）
• 6號Taco(黃泓祖)｜20歲｜香港選手（十強大熱）
• 9號Lyman Heung(香胤宅)｜33歲｜美國選手（十強大熱）
• 52號Ash(盧信宥)｜32歲｜馬來西亞選手（十強大熱）

蕾安多芬紅組10強名單

• 3號Snoopy(詹仕偉)｜26歲｜台灣選手（十強大熱）
• 32號亨仔(陳鎮亨)｜26歲｜香港選手（十強大熱）
• 35號Tsoul(田曜誠)｜28歲｜香港選手（十強大熱）
• 46號希晉(王希晉)｜23歲｜香港選手（十強大熱）
• 2號Nathan(魏念恩)｜25歲｜香港選手（十強大熱）
• 99號KC(黃家灝)｜25歲｜香港選手（十強大熱）

更多：全民造星5總決賽10強｜7.16三地觀眾1人1票！2位黑馬實力不容忽視

全民造星5｜KC黃家灝不介意女友WinWin撐希晉

《全民造星5》10強已經誕生，日前（07/02）10強參賽者現身記者會與觀眾見面及進行拉票活動。KC（黃家灝）女友WinWin早前在記者會上，公開表示是希晉的粉絲，被問到作為男友的KC有何感受？他表示：「其實喺跳舞圈、朋友圈或親戚圈，聽到有人鍾意希晉唱歌，我都好開心，有WhatsApp錄音俾佢。」希晉澄清WinWin只是欣賞他，亦感激KC不時傳來錄音短訊鼓勵他。

全民造星5｜KC黃家灝 8年跳舞經驗 曾嚴重受傷後更珍惜當下

KC黃家灝自中學畢業後開始跳舞，至今已累積8年跳舞經驗，他曾經分享一次受傷經歷，他試過韌帶斷裂而休息了整整一年，嚴重程度是二度撕裂，起初練舞時拗柴，當時並沒有理會，繼續跳舞，但情況變得愈來愈嚴重，於是去看物理治療，得悉有二度撕裂，但可算是及早發現，否則再嚴重下去有可能會斷韌帶，所以當時已立即停下所有工作。而當時正好碰上了疫情，所以都順利成章不少跳舞工作都暫停，正好得到一個全心全意去休息的機會。當時KC放下跳舞後，才意識到自己非常不想放棄跳舞，覺得當時停下來已失去跳舞的感覺，因為休息過後，他變得更懂得珍惜當下。

全民造星5｜被冠上「Win Win男友」稱從不介意

KC女友是為人所熟悉的ViuTV藝人楊安妮（Win Win），她是曾參加《全民造星IV》後正式入行發展，隨著Win Win愈來愈入屋，知名度大增，在《全民造星V》播出之前，KC就不知不覺被冠上「Win Win男友」之名，但KC表示對此毫不介意，亦覺得好搞笑，他認為與對方是相輔相成的，他們倆個亦大方公開戀人關係，二人已拍拖將近5年，更表示與女友關係好穩定，是互相學習、互相進步的關係。

全民造星5｜99號 KC黃家灝 先聲奪人最搶鏡！

記者會上最期待當然是表演環節，首先登場嘅係7人跳舞組合，其中最搶眼嘅莫過於賽前大熱嘅99號參賽者黃家灝(KC) ，鏡頭特別多，而且到個人solo環節，更加係歡呼聲不斷，可見人氣非常高。另外，在群舞表演《前傳》以及大合照時，KC都係企正中間，相當搶鏡！在大合照時，KC獲「特別關照」企在導師韋羅莎身邊，只計曝光率已經撼贏一眾參加者了！

KC（黃家灝）全民造星5｜參賽者資料

相關文章：KC全民造星5｜黃家灝高人氣受關注！99號舞蹈出身拍過 Anson Lo MV

全民造星5｜79號 Kakit鄧家杰 奇招取勝

另一位參賽者Kakit（鄧家杰）雖然在自我介紹時冇令人留下深刻印象。不過，當鏡頭影住跳舞表演時，大家除了留意台上參賽者表演之外，最搶眼的是的支持鄧家杰的banner，雖然設計老土，但成功搶焦！

相關文章：Kakit全民造星5｜鄧家杰玩折骨超高人氣！參賽編號79號

全民造星5｜6號 Taco黃泓祖 橙頭變藍頭

賽前因造型照相當突出，被網友笑指是「八两金翻版」的黃泓祖 (Taco）再次一改形象，染上藍色頭髮示人，同之前造型照嘅佢比較，真係有啲唔認得！

相關文章：Taco全民造星5｜黃泓祖簡介全公開！參賽編號6號

全民造星5｜強尼：今屆平均質素應該係5屆最高

記者會上，導師馮允謙、 韋羅莎、 陳健安、主持強尼出場，至於另一位導師陳蕾因有事而缺席 。擔任咗5屆造星嘅強尼表示：「我透露少少，做咗5屆呢，今屆我都夠膽咁講，平均質素應該係5屆最高，我覺得睇節目時，強烈推介大家要用多啲時間睇，除咗你睇live嗰一粒鐘，我相信你會上網搵佢哋嘅表演重新睇，同埋我建議大家戴耳機聽，因為值得用耳機細心聽佢哋嘅聲音或者表演。」

全民造星5｜花姐 肥仔 隔空現身支持

此外，大會亦播出《全民造星5》搶人環節的預告，4個導師有時要鬥快撳燈，見到心儀人選時又非常肉緊！畫面可見，花姐同肥仔都有輪流坐陣協助搶人才！

更多：陳蕾陳健安爆好多人選唱《記憶棉》 韋羅莎馮允謙怕自己太惡

即睇《前傳》Dance Version MV：

全民造星5｜四大導師：陳蕾、馮允謙、陳健安、韋羅莎

On仔問花姐攞貼士

On仔因曾任《造星》評審，而當時感情似做導師，所以當收到邀請時，感覺興奮，他說：「上次同花姐開大會，唔係淨係睇學員，係睇埋導師成長，花姐係咁問『你可以有幾坦誠先？你有幾冇偶包先？』我返屋企就開始緊張、諗好多唔同嘢。」On仔表示曾問花姐有沒有指引，花姐表示不一定組男團，選擇權全在導師手上。他想好似朋友般陪伴参加者，做到亦師亦友：「覺得係好大挑戰，節目長達3至4個月，對住班未來樂壇種子，好大責任。」

陳蕾要參賽者騷腹肌

陳蕾表示日前在工作中遇上Collar成員Gao，對方因為知道導師一職比學員更辛苦，所以安慰她要加油。4位導師今早進行面試，陳蕾被馮允謙踢爆要參賽者騷腹肌，為此她表示對腹肌冇興趣，因為張相係赤裸上半身，咁都要睇睇有無執相，擔心被詐騙！陳蕾又透露其中一位參賽者目標是做搞笑藝人，雖然對方唔算靚仔，而且有少少肥，但卻十分期待對方能否以幽默融化自己，並強調自己注重內涵。如果幽默感強係勁加分。

陳蕾爆參賽者有MC影子

陳蕾與On仔同樣注重參賽者才華外，更着重人品，不囂張會加分，問到可會做惡導師？她說：「覺得自己太善良，畀分較其他人高2級，要收緊啲。」On仔表示開始見到乞人憎會講「麻麻哋」，現在會講「呢個唔得」，問怕唔怕整喊人？On仔笑言「喊控制唔到」。問陳蕾揀人標準會否參考師弟、《造星2》亞軍張天賦（MC）？她笑說：「標準太高，好大壓力喎！不過見到個有少少MC影子。」On仔爆好多人選唱《記憶棉》，及有好多混血兒，直認會睇外型，他大爆有參賽者面試用半裸照，初時擔心照騙：「又冇叫佢除衫，但有叫佢拉高件衫睇腹肌，證實吓！」

馮允謙：擔心自己會爆

馮允謙表示今早見過幾位參賽者，都幾鍾意，他與Rosa都表示現時好初步，不能貪心個個都留低，Jay對其中一個全能參賽者印象深刻，讚靚仔、肯除衫又唱《記憶棉》，笑言問他點解唔唱《反對無效》？首歌由他寫所以一定加分。馮允謙當年辭工來港參賽，若參賽者抱玩票心態，就不尊重比賽，期待分享自己這10年的經驗。一向予人文質彬彬的馮允謙，也不想太惡對學員，但自認要求高，也擔心自己無耐性，擔心自己會爆。Rosa笑言相信馮允謙發惡就好大件事，她也識發惡，但會控制到。

《全民造星V》今屆首次進行海外選拔

本應去年開始舉行的《全民造星V》因MIRROR演唱會慘劇而被押後舉行，去年MIRROR正、副隊長Lokman（楊樂文）及AK（江𤒹生）已專程飛抵加拿大溫哥華揀蟀，此外ERROR正、副隊長肥仔（梁業）和Dee哥（何啟華）也隨後親赴馬來西亞吉隆坡，為參賽者進行面試。

今屆《全民造星V》增設溫哥華及吉隆坡兩個海外面試地點，走入當地電視台、製作公司、音樂學校及表演場地等不同地方，發掘有潛質參賽者，進行面試和初選。