36歲元祖𡃁模淡出後激罕露面 曬舊照呻難洗甩性感形象
廣告
36歲元祖𡃁模李曼筠（Maggie），2006年於香港動漫節以超性感打扮擔當電腦遊戲《馬場風雲》模特兒，火速成為焦點之餘更獲封「動漫Maggie」嘅稱號。不過李曼筠就已經淡出多年，但係就keep住在社交平台分享日常。最近李曼筠就激罕於直播節目現身，仲在限時動態重溫自己嘅舊照兼呻難洗甩𡃁模時嘅性感形象……
李曼筠激罕現身直播講探靈經歷
李曼筠最近現身YouTube channel「怪壇@邁步工房」，與《怪談》前團隊齊齊開直播，大談過去拍攝時嘅經歷。李曼筠表示曾去過重慶一個義莊探靈，本身並冇任何事發生，不過就在往回走嘅時候突然大感不適：「我真係成個人跌低咗，然後啲肌肉喺到收縮。」李曼筠仲稱當時連面部肌肉都出埋事：「睇片係好明顯睇到下半塊面，嘴啲肌肉係向入面收㗎，之後隻手都揦埋咗，好似癲癇咁樣。」好彩之後離開之後就漸漸回復正常，但李曼筠亦因此唔敢再探靈。
李曼筠IG曬舊照呻難洗甩性感形象
除咗現身直播外，李曼筠亦在社交平台響應最近「貼出第一張Facebook大頭貼」嘅挑戰，並貼出多張舊照。李曼筠隨後更貼出1張以低胸禮服示人嘅照片，仲配文呻難洗甩出道時嘅性感形象：「明明以前瘦過而家好多，但是大多數人見到而家的我都會說我瘦了好多，或許證明了，一開始的形象是多麼入心，之後做再多，人們都只會記得一開始的那個我。幾有趣，乜都冇做，反而人人記得；努力去做，反而沒有效果。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@0sml0、youtube@怪壇@邁步工房、影片截圖、新傳媒資料庫
