神耆小子|39歲傅嘉莉激純學生妹造型曝光 網民喪讚:根本零違和感!
神耆小子|傅嘉莉學生妹造型零違和感
傅嘉莉日前在社交平台上載了自己在新劇《神耆小子》的劇照,相中傅嘉莉以一身校服造型登場,fit到漏的身材同超清純嘅靚樣扮起學生嚟簡直係零違和感,更引來網民喪讚:「完全可以話係中學生」「Kelly好少女,好青春兼靚女呀」「根本零違和感!」「厲害,完全carry 到件校服」「嘩,我以為係十四歲」「美女帥哥我很喜歡看,電視劇一定好看」「還有少女腰!」
![傅嘉莉 學生妹 傅嘉莉在新劇《神耆小子》有扮演學生妹的造型。(圖片來源:TVB)](https://imgs.orientalsunday.hk/wp-content/uploads/2024/05/batch_wah09962_20030834866331b8315994.jpg)
神耆小子|傅嘉莉化身學霸女神一完學士夢
在傅嘉莉的帖文下,有網民表示雖然傅嘉莉的造型好靚,但竟然髮色出事:「好靚!但頭髮染埋黑色好似會更加適合呢個look」不過就有人回應:「棕色也好靚,Fans 的乖乖女神、仲係國際認可珠寶鑑証師添!期待KellyFu 嘅新劇出現!」其實傅嘉莉於去年拍攝《一舞傾城》以及《香港人在北京》時,更同時兼顧學業,最後以優等生身份考獲寶石鑑定師的資格,可謂係學霸女神!
![傅嘉莉 學生妹 傅嘉莉於去年完成寶石學文憑。(圖片來源:IG@kelly.fuu)](https://imgs.orientalsunday.hk/wp-content/uploads/2024/05/whatsapp-image-2024-05-02-at-13.13.11_2050603261663320f3c9f8a.jpeg)
![傅嘉莉 學生妹 傅嘉莉在去年比播出的《廉政狙擊》中同樣大獲好評。(圖片來源:IG@kelly.fuu)](https://imgs.orientalsunday.hk/wp-content/uploads/2024/05/-2024-05-02-1.10.48_1283825410663320ce5884e-810x1024.png)
![傅嘉莉 學生妹 傅嘉莉的的演技備受觀眾肯定。(圖片來源:IG@kelly.fuu)](https://imgs.orientalsunday.hk/wp-content/uploads/2024/05/-2024-05-02-1.00.15_1141278361663320e148f75-723x1024.png)
39歲傅嘉莉晒素顏look清純味十足 網民激讚撞樣女神林嘉欣!
39歲傅嘉莉(Kelly)在熱播劇集 《香港人在北京》飾演男仔頭角色「芬妮」, 動人演技由頭帶到尾,更獲捧為今屆女配角大熱!傅嘉莉終於捱出頭,來年還有3套參演劇集等住播映成「劇后」。傅嘉莉日前在IG透露已飛往倫敦出席文憑證書頒授典禮,並晒出一張素顏靚相惹網友大呼女神好靚女!
傅嘉莉素顏靚相撞樣女神林嘉欣
傅嘉莉近年發展演員事業之外,4年前再搞埋副業,自設個人飾品品牌faa。2021年半工讀英國FGA寶石學課程,9月已畢業成功取得人生首個FGA文憑證書,傅嘉莉日前在IG透露已飛往倫敦出席文憑證書頒授典禮。
傅嘉莉興奮拿住小熊公仔自拍,傅嘉莉素顏示人,長髮披肩更有清純味,摵甩昔日螢幕上邪花角色的感覺,更有網友指傅嘉莉清氣質與另一位女神林嘉欣相似。
傅嘉莉:2023的確係我好圓滿的一年
對於日前《香港人在北京》取得唔少好評,傅嘉莉亦發文表示:
「我特登挑選《香港人在北京》嘅戰衣,因為我係當時一邊拍劇一邊溫書面對呢個公開試,而家劇集播出嘅靚靚成績表已經得到了,再去埋英國親身接受FGA 文憑證書,2023的確係我傅嘉莉好圓滿的一年。」
傅嘉莉《香港人在北京》動人演技由頭帶到尾
《香港人在北京》尾聲,大家都非常關注傅嘉莉情訂誰人!隨住陳星妤退出,洪永城決心追回要遠走非洲的傅嘉莉,他中途塞車,決定踩單車趕去高鐵站,不過都是食白果。
不過3個月後,洪永城在大街上重遇男仔頭的「傅嘉莉」,深情爆出金句:「只要你喺度,立遺囑都得,受益人寫你個名」、「風依家先知,原來我一直鍾意嘅人就喺我身邊」,雖然蝦碌認錯人,但真正嘅傅嘉莉企在身後聽住,最終被真誠打動,加上富二代方晴選擇讓愛,二人成功在一起了!
![傅嘉莉 學生妹 洪永城在大街上重遇男仔頭的「傅嘉莉」,深情爆出金句:「只要你喺度,立遺囑都得,受益人寫你個名」、「風依家先知,原來我一直鍾意嘅人就喺我身邊」,雖然蝦碌認錯人,但真正嘅傅嘉莉企在身後聽住,最終被真誠打動,成功在一起了!(圖片來源:TVB)](https://imgs.weekendhk.com/wp-content/uploads/2023/11/dda6c5b3-fb3c-4221-ae9e-6c94e0d381cc_15966118246545133c96497-768x1024.jpg)
大團圓結局終極自抽!
大團圓結局之際,「徐家」再次出場,陳展鵬笑指來到大結局點解唔係我哋做主角,吳若希就再寸洪永城:「唔緊要啦,佢都冇乜點做主角」。傅嘉莉還抽水:「唔係BBQ已經好好啦!」都係嘅,去到結局總算冇爛尾,片尾「彩蛋」還特意播出一首《越難越愛》,將氣氛推到最高,確是出色!
![傅嘉莉 學生妹 大團圓結局之際,「徐家」再次出場,陳展鵬笑指來到大結局點解唔係我哋做主角,吳若希就再寸洪永城:「唔緊要啦,佢都冇乜點做主角」。傅嘉莉還抽水:「唔係BBQ已經好好啦!」(圖片來源:TVB)](https://imgs.weekendhk.com/wp-content/uploads/2023/11/e87c4225-2bdd-4622-adc1-8b5544725fcc_10926662116545153997d15-768x1024.jpg)
觀眾希望「徐家」原班人馬再拍續集
回看上周收視,《香港人在北京》九點半時段有19.4點(125萬觀眾) ,反而《羅密歐》由首周20.7點跌至 19.2點(由133萬觀眾跌至124萬觀眾) ,陳豪夫婦檔流失足足9萬觀眾,不及陳展鵬同吳若希嘅夫妻檔。《香港人在北京》大結局固然感動,但唔少觀眾都覺得唔夠喉,希望「徐家」原班人馬再拍續集,「今年嘅《下流上車族》」、「好感動,希望再拍續集!」、「今集聽到兩首好好聽嘅歌!」
![傅嘉莉 學生妹 《香港人在北京》大結局固然感動,但唔少觀眾都覺得唔夠喉,希望「徐家」原班人馬再拍續集!(圖片來源:TVB)](https://imgs.weekendhk.com/wp-content/uploads/2023/11/0b8c1fc4-337c-4671-9100-7202da802876_241029213654516354f4f3.jpg)
傅嘉莉獲讚女配角大熱:你哋認同我,其實我已經覺得自己攞到獎!
劇集播畢後,傅嘉莉還特意在晚上開IG live分享感受,不少粉絲大讚演技進步,有機會成女配角大熱,傅嘉莉表示:「你哋鐘意,你哋認同我,其實我已經覺得自己攞到獎!」事後還為Funny寫上一段讀白,為結局留下一些感想:
世上或許有一種愛情
就像芬喱一樣
不是一見鍾情,也不是愛得轟烈
而是大家在彼此的生命裏
已經習慣到好像進入對方的血管一樣
好自然,好舒服,好安心或許生活就是找這麼的一個平衡點
這段片段是鍾澍佳總監制分享俾我哋的
有一晚,佢又唔瞓覺,再將個結局剪接多一次
今晚我又俾佢整喊咗兩次
你有冇陪funny一齊喊呢感謝寫咗咁多場搞笑又感動嘅戲俾我哋
![傅嘉莉 學生妹 事後還為Funny寫上一段讀白,為結局留下一些感想(圖片來源:IG@kelly.fuu)](https://imgs.weekendhk.com/wp-content/uploads/2023/11/20f829fa-61cd-47e4-855f-9d3726d1181a_60418469465451a0d50a33-652x1024.jpg)
![傅嘉莉 學生妹 傅嘉莉還特意在晚上開IG live,不少粉絲大讚演技進步,有機會成女配角大熱,傅嘉莉表示:「你哋鐘意,你哋認同我,其實我已經覺得自己攞到獎!」(圖片來源:IG@kelly.fuu)](https://imgs.weekendhk.com/wp-content/uploads/2023/11/abf18041-886a-45b3-ab38-638a09860db0_87720085865451a0c084b1-582x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!