人妻KOL賣黑tee竟索價350蚊 被網友踢爆只係淘寶貨 狂轟食水極深!
廣告
近年唔少KOL、YouTuber除咗拍片之外,都會賣吓嘢或者推出自家產品等。人妻KOL Jade Lam係美妝YouTuber經常拍片分享佢扮靚心得,近日佢除咗拍片之外,仲有賣衫同埋賣首飾,而佢IG粉絲人數有13萬,人氣亦很高,不過最近點知就被網民喺討論區大鬧佢食水深之餘仲要係淘寶貨。


人妻KOL賣衫被指食水深 全部淘寶有同款
人妻KOL Jade Lam昨日(3日)喺ig出限時動態賣衫,不過就被網民指佢食水深,事源指Jade Lam一件「普通黑tee」賣成hk$300,仲要係特價,原價hk$350。除此之外,網民仲搵到Jade Lam賣的所有衫褲都喺淘寶搵到同款,但賣貴一倍的價錢,並強調Jade Lam已經唔係第一次賣淘寶同款,「成日賣啲淘寶都有嘅款,但係mark up勁多,食水深到。八舊水一條牛仔褲,真係靚料靚質地嘅老實講就唔算好貴,但擺明佢嗰條都唔值$800啦。仲要咁多妹豬幫襯佢,出個story唔夠兩個鐘又截單,真係受騙的那個比騙徒更混帳」、「香港啲IG shop 唔使check 都知係淘寶貨啦」、「大把水魚」、「應該話淘寶都係入同一批貨,其實東大門質素同淘寶冇咩分」。不過有網民力撐Jade Lam認為所謂的「普通黑tee」係有標明係organic cotton,相對價錢係會貴啲,而且更指出除咗成本之外,仲有運費等「運輸要不要錢?人工要不要錢?店租要不要錢?」、「一個養全家真係好吃力架」、「明買明賣有咩問題?你唔走去x Hermes賣十幾萬一個手袋?」。







網民爆料首飾疑帶到敏感照賣俾人
Jade Lam曾經指自己賣的首飾係來自一間有名的廠商,網民質疑Jade Lam吹水「有冇可能人地珠寶公司會肯同你合作,佢乜background」、「幾厚面皮先打得出呢段字」,仲有網民爆料Jade Lam賣的平價首飾,竟然自己帶到敏感都照賣俾人,「前幾日有個story紅晒都照post,好似擺明話你知係會敏感,你買你嘅事」。

將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
撰文:東方新地(部份內容轉載自New Monday)圖片來源:ig@jadelamm