中年好聲音2丨重量級素人參賽者逐個捉 許志安62歲哥哥現身海選 !
許志安62歲哥哥參賽 兩兄弟一個餅印
今年62歲的許志安哥哥許志偉現身《中年好聲音2》海選,不過許志偉一出場並沒有表明自己係許志安嘅哥哥,直到評判伍仲衡指出其單眼皮令佢聯想到許志安時,許志偉先點頭承認自己身份。許志偉亦冇選擇細佬許志安嘅歌曲,反而選唱張學友的《忘情冷雨夜》,不過唔知係唔係太緊張,音準拍子都有啲甩漏。
![中年好聲音 素人 中年好聲音2 62歲的許志安哥哥許志偉有份參加海選](https://imgs.orientalsunday.hk/wp-content/uploads/2023/06/-1_197342539164858fa27240b.png)
呂良偉弟弟呂良國型爆出場
呂良偉的弟弟呂良國今日型爆現身,一出場冇講太多嘢就直接唱出李克勤的《一生不變》。今年已經62歲嘅呂良國帶上黑框眼鏡,穿上黑色西裝外套,打扮簡單得嚟非常有型,獲網民大讚!
![中年好聲音 素人 中年好聲音2 呂良國雖然已經年過半百,但依然非常有型!](https://imgs.orientalsunday.hk/wp-content/uploads/2023/06/videoscreenshot-youtube-2-3633_292820166648582fb57f3e.png)
曾志偉最冧台灣參賽者
除咗香港參賽者之外,今屆亦有海外參賽者報名參加。881號台灣參賽者Madeline Ko指自己特意從台灣飛到香港參加今次海選,總監製曾志偉一聽到就嚇到擘大口,評判肥媽同伍仲衡都未開口講嘢,曾志偉就忍唔住連問Madeline多條問題,仲大讚:「哇厲害哦!」
![中年好聲音 素人 中年好聲音2 881號台灣參賽者Madeline Ko特意從台灣飛到香港參加今次海選](https://imgs.orientalsunday.hk/wp-content/uploads/2023/06/taiwan2_779112365648596ca7225c-1024x830.jpeg)
47歲馬評人馬可思宣傳賣口乖
47歲馬評人馬可思今日亦有參加海選,自我介紹嘅時候就宣傳自己頻道賣口乖:「我係MyTV super 18台賽馬主持馬克思,我係為咗MyTV Super 18台而嚟嘅」,賣完廣告就唱出黎明嘅《哪有一天不想你》,不過都係唱得冇幾句就被叮走!
![中年好聲音 素人 中年好聲音2 47歲馬評人馬可思一出場就宣傳自己節目](https://imgs.orientalsunday.hk/wp-content/uploads/2023/06/18_1787249790648589d313296-1024x903.jpeg)
兒童節目主持蔡偉光 為女兒報名參賽
53歲蔡偉光曾經喺亞視做過兒童節目主持、MV男主角,又參加過多個歌唱比賽,今次會參賽係因為想鼓勵個女做事要有信心。有豐富經驗嘅蔡偉光的確非常有台風,唱歌技巧亦一流!
![中年好聲音 素人 中年好聲音2 蔡偉光曾經喺亞視做過兒童節目主持。](https://imgs.orientalsunday.hk/wp-content/uploads/2023/06/_211549739464858a159ff01-1024x848.jpeg)
騎呢參賽者逐個捉
《中年好聲音》海選當然唔少得騎呢參賽者。其中1293號網絡填詞人「苗姜」就最為奇葩,一出場就唱《女殺手》,聽到肥媽同伍仲衡都O曬嘴。
![中年好聲音 素人 中年好聲音2 1293號網絡填詞人「苗姜」大唱《女殺手》!](https://imgs.orientalsunday.hk/wp-content/uploads/2023/06/-1_510672296648587e2b687b.png)
有片睇
https://www.youtube.com/watch?v=abfxgEtMji0
《中年好聲音》總決賽嘉賓評判有三位巨星駕臨?
《中年好聲音》總決賽即將於4月23晚進行直播,不但主持陣容加馬,評審陣容方面,除了有四位固定評審外,還邀請到三位重量級樂壇前輩駕臨電視城⋯⋯按此10強參賽者背景懶人包
《中年好聲音夢想成真演唱會》售票優惠?
無綫宣布將會為優勝選手舉行《中年好聲音 夢想成真演唱會》,售票詳情及優惠請即看:演唱會售票詳情