雞蛋仔全港Top13推介！全港獨家雞蛋仔蠔餅＋人氣No.1臘腸芝士味｜區區搵食
–
港島區
1)銅鑼灣新派雞蛋仔概念店 人氣No.1臘腸芝士味
百變蛋君金黃色的門面非常顯眼，位置鄰近銅鑼灣地鐵站D4出口。小店主打不同新慨念口味的雞蛋仔，款式多達20種，有鹹有甜，甚至連D24榴蓮味都有！每款望落都感覺伏味濃？其實全部餡料都同雞蛋仔非常夾！人氣推薦款式有招牌臘腸芝士雞蛋仔同招牌蘋果批雞蛋仔！帶鹹味的臘腸竟然與雞蛋仔口感非常夾，十分驚喜！咬落啖啖蘋果肉嘅招牌蘋果批口味深受食客好評！
地址： 銅鑼灣景隆街30-34號海殿大廈地下5A號舖（顯示地圖）
電話：25877399
營業時間：星期一至五 13:00 – 22:30、星期六及日 13:00 – 23:00
2)銅鑼灣獨家雞蛋仔蠔餅 啖啖鮮味蠔肉
有別於一般嘅雞蛋仔專門店，雄館特式小廚係一間潮州打冷菜館。但係絕對唔可以唔介紹入面嘅雞蛋仔蠔餅，係全港唯一一間賣呢種口味嘅鋪頭！呢款人氣菜式絕對係主廚嘅創意之作！上碟後乍看與普通雞蛋仔無異，其實內有乾坤，每粒雞蛋仔都包裹著原粒蠔肉，食落啖啖蠔肉，鬆脆鮮嫩！
地址： 銅鑼灣渣甸街50號渣甸中心7樓（顯示地圖）
電話：36188713
營業時間：星期一至日 11:30 – 22:00
3)希雲街米芝蓮推薦小店 外脆內軟非常足料
曾榮獲米之蓮推薦的媽咪雞蛋仔，必定係雞蛋仔迷之選！小店門面的彩色鋪名燈非常吸睛！人氣之選有原味及粒粒朱古力味雞蛋仔，雞蛋仔外皮酥脆，而且份量非常大，每啖都食到濃郁嘅朱古力味道，好邪惡啊！另外當然要試經典嘅原味雞蛋仔喇，醇香蛋味十足！
地址： 銅鑼灣希雲街1-5號禮信大廈地下17號舖（顯示地圖）
電話：從缺
營業時間：星期一至日 12:00 – 20:45
4) 西營盤LN Fortunate Coffee 驚喜純素雞蛋仔
LN Fortunate Coffee 門面係西式Cafe風格，餐牌大部分都係主打西式料理，完全估唔到佢竟然有賣雞蛋仔！仲要係香港非常罕見嘅無蛋奶純素雞蛋仔，絕對係素食者嘅好消息啊！呢款取名為「幸福彈彈仔」嘅純素雞蛋仔有3種味道，朱古力、原味及抹茶味。所有牛奶食材都以豆奶取代，口感上依然鬆脆煙韌，與真雞蛋仔無異，真係幾可亂真！
地址： 西環西營盤第二街118號懿山地舖（顯示地圖）
電話：28583898
營業時間：星期一至四 09:00 – 18:00、星期五至日及公眾假期 09:00 – 21:00
5) 雞蛋仔迷必試 甜酸苦辣鹹任你揀
筲箕灣低調高手大街小食嘅雞蛋仔絕對唔低調，可謂係雞蛋仔迷嘅聚腳地！小店提供多款原同系列雞蛋仔，分別有甜、酸、苦、辣、鹹系列。最受食客歡迎嘅係鹹味系列，黃金雞蛋仔！店主將鹹蛋黃融合傳統雞蛋仔，啖啖鹹香酥脆，滋味十足，係必試之選！
地址： 筲箕灣東大街76A號B3號舖地下（顯示地圖）
電話：66015300
營業時間：星期一至日及公眾假期 13:00 – 21:00
–
新界區
6) 沙田乙明邨街潮食 滿載街坊回憶超大粒豬柳肉
未行到潮食鋪頭就聞到陣陣嘅蛋香喇，每次放學經過都心思思要買嚟食！潮食最熱賣嘅款式一定係豬柳蛋雞蛋仔，食落粒粒雞蛋仔都包住大大粒豬柳肉！超足料嘅豬柳蛋雞蛋仔，散發住濃郁蛋香，咬落每粒都鬆脆可口，真係回味無窮啊！
地址： 沙田乙明邨街9號地下乙明邨街市2-3號舖（顯示地圖）
電話：從缺
營業時間：星期一至日 11:00 – 20:00
7) 大埔創意新派口味 濃郁鬆脆雞蛋仔
散發住田園氣息嘅Takeateasy x Firsteǎ 主打新派口味雞蛋仔，款式多達14種！最受注目嘅必定係辣度十足的地獄18/F雞蛋仔，而最人氣之選則係香濃意大利黑朱古力雞蛋仔！帶點苦澀嘅黑朱古力受熱力，均勻咁融化係蛋漿入面，鬆脆嘅外層包住濃郁嫩滑嘅黑朱古力醬係入面，好邪惡啊！
地址： 大埔寶湖道3號寶湖商場2樓227F號舖（顯示地圖）
電話：69221132
營業時間：星期一至日 11:00 – 21:00
–
九龍區
8) 新蒲崗629雞蛋仔 超多層次口感
呢間雞蛋仔專門店出名價格實惠，最平$18就有得食經典之作！店主堅持認真製作，即叫即製，就算製作時間需時，都依舊深受街坊歡迎！必試款式有原味蛋蛋同炭燒咖啡蛋蛋！濃香焙煎過嘅咖啡，味道唔會太苦，咖啡味非常突出，配合雞蛋仔脆皮外層，超有口感啊！
地址： 新蒲崗康強街28號康景商場地下28J舖（顯示地圖）
電話：從缺
營業時間：星期一至六 12:00 – 20:00、星期日休息
9) 旺角彌敦道Ice Puff麻糬雪糕雞蛋仔
鐘意食雞蛋仔嘅你，不得不去Ice Puff 朝聖！小店推出多款新口味雞多仔，仲有得加雪糕同麻糬！人氣No.1款式必定係阿華田脆脆雞蛋仔，一定、一定、一定要加麻糬一齊食，口感完全係昇華去另一個境界！熱辣辣嘅雞蛋仔，咬落啖啖散發住濃郁阿華田味，加埋煙韌嘅麻糬，簡直係無得輸啊！
地址： 旺角彌敦道688號旺角中心一期1樓F51舖（顯示地圖）
電話：66255348
營業時間：星期一至六 13:00 – 22:30、星期日 13:00 – 20:00
10) 新蒲崗摩芽雞蛋仔 大大粒星星濃郁香醇雞蛋仔
摩芽雞蛋仔獨家研製嘅星星雞蛋仔非常吸睛！小店主打不同朱古力口味雞蛋仔，分別有橙味、原味同榛子味。必試款式係星星朱古力味！賣相好似細個早餐成日食嘅星星脆片，每粒雞蛋仔都有一粒大星星，外脆內軟，絕對係店長誠意之作！值得一提嘅係，摩芽雞蛋仔仲研製咗急凍雞蛋仔俾食客帶番屋企食。拎到番屋企叮一叮就食得喇！
地址： 新蒲崗康強街32-34號康強洋樓地下16A舖（顯示地圖）
電話：92088979
營業時間：星期一至日 12:00 – 21:30
11) 深水埗懷舊茶餐廳風 至抵食雞蛋仔
位於深水埗嘅豪城茶餐廳絕對係雞蛋仔界嘅 hidden gem！雖然款式無外面小店咁多，但呢度勝在味道夠經典，而且以$12蚊超平價格已經有得食！每底雞蛋仔都散發住濃厚嘅蛋香味，有時最簡單懷舊嘅款式反而最受歡迎！值得一提嘅係，食客可以堂食雞蛋仔，咁就可以舒創服服坐低嘆住雞蛋仔，又唔洗怕要係街除口罩喇！
地址： 深水埗元州街 131-133 號地舖（顯示地圖）
電話：23869782
營業時間：星期一至日 07:00 – 22:00
12) 將軍澳螢火蟲小食 必試隱世街頭小食 經典口味一試難忘
將軍澳嘅螢火蟲小食深受街坊歡迎，主打供應地道街頭小食。隱藏係餐牌入面嘅王子雞蛋仔，係雞蛋仔迷必食之選！淡淡嘅蛋香撲鼻而來，啖啖爽脆可口，大滿足！嚟到將軍澳掃街嘅你，不妨去試吓呢款經典雞蛋仔喇！
地址： 將軍澳慧安商場A134舖（顯示地圖）
電話：從缺
營業時間：從缺
13) 榴連控不能錯過九龍城啖啖鮮果肉雞蛋仔
呢間放學經過一定會幫襯嘅老字號鋪頭，真係附近街坊嘅回憶啊！恒發推出全港首創嘅新鮮餡雞蛋仔，分別有5種口味。嚟到必試之選一定係榴蓮肉夾心口味！大大底雞蛋仔，食材新鮮足料，粒粒都包住香滑嘅榴蓮肉！鐘意食榴蓮又係雞蛋仔迷嘅你，絕對唔可以放過啊！
地址： 九龍城衙前圍道64號曉逸軒地下1號舖（顯示地圖）
電話：23838093
營業時間：星期一至日 09:00 – 00:00
–
備註：由於疫情關係，所有餐廳均於22:00關閉。
撰文：Sumi｜圖片來源：官方圖片、FB、IG
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
