桔梗牛頭角、觀塘連開2間分店 Lagom Kaffe牛頭角分店率先睇！Chill爆日光＋打卡落地玻璃裝潢＋手沖精品咖啡｜區區搵食
更多:桔梗副線Lagom Kaffe觀塘店率先睇
撰文：Rice｜攝影：Cliff
桔梗觀塘連開2分店
Lagom Kaffe 牛頭角分店率先睇！
來自台灣的過江龍Cafe桔梗，自旺角開業以來憑著爆餡三明治早餐及燉飯，賣相精緻加上打卡環境，吸引不少港人幫襯。今年桔梗亦於自己專頁宣佈會開設姐妹品牌Lagom Kaffe，選址牛頭角及觀塘，前者佔地8,700呎、後者佔地6,600呎（連後花園），如今牛頭角分店已開業，跟旺角本店一樣，同樣以落地玻璃設計，木系格調，大片日光滲進，勁好打卡。店內設置不少布質沙發，予人感覺超Cozy。
這些設計相信是其品牌概念有關，今次Lagom Kaffe主要以自由工作空間概念，給附近的上班族及自由業人士一個喘息或開會的工作空間，可以單叫一杯咖啡即坐到收舖！附近的上班族有福了！記者採訪當日已爆場，不少附近的上班族已密密來幫襯，十分熱鬧。
菜式走輕食路線
菜式方面，牛頭角店主打西餐Cafe餐點，有意粉、三文治、沙律、窩夫等健康輕食及甜品，雖然桔梗的招牌爆餡三文治及燉飯暫未供應，但牛頭角店的價錢比起旺角店的相對親民。而且餐點份量不少，絕對夠飽。店主Ivan透露，11月尾開幕的觀塘店將設後花園，屆時會有水煙供應。
免治牛肉及花椒油作醬汁，附上約5-6塊牛小排，肉嫩Juicy。
醬汁Creamy，意粉彈牙，帶子厚肉肥美。
有炒蛋、蘑菇、煙肉、麵包等配料，十分豐富，醒神飽肚。
吐司烘得酥脆，牛油果Creamy，配上大片三文魚，味道清新。
窩夫有濃厚伯爵茶味道，茶香回甘。
自設炒豆房！手沖咖啡＋Baileys朱古力
Cafe怎能沒有咖啡！店內自設炒豆房，保證質素。咖啡方面，有Latte、Dirty等奶啡，也有手沖咖啡，果味香濃。若不好啡，也有暖笠笠的Baileys朱古力，香濃微甜。
朱古力香濃微甜，味道回甘。
餐廳：Lagom Kaffe
牛頭角店：牛頭角觀塘道348號 International Trade Tower （顯示地圖）
電話：6827 6355（WhatsApp）
營業時間：8am – 8pm
觀塘店：觀塘偉業街180號 Two Harbour Square（顯示地圖）
暫定營業時間 8am – 8pm
開業日期：11月尾
招牌菜：全日早餐、手沖咖啡
Facebook專頁：lagomkaffe
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
