【新品推介】1664 Brut拉格啤酒全新500ml罐裝登場！充滿氣泡感容易入口

Sep 21 2023

1664 Blanc小麥白啤酒大家可能都好熟悉，咁大家又知唔知原來1664有另一款最新啤酒？講緊嘅就係清爽充滿氣泡感嘅1664 Brut 拉格啤酒，繼早前限量推出樽裝同生啤後，今次全新推出500ml罐裝，等大家時刻都可以享受到充滿氣泡感嘅高雅美學滋味！不過到底1664 Blanc 小麥白啤酒同1664 Brut 拉格啤酒有咩分別？即刻帶大家認識呢款法式優雅滋味！

充滿氣泡感容易入口！1664 Brut拉格啤酒500ml罐裝全新登場

1664 Blanc小麥白啤酒一向係唔少人鍾意飲嘅啤酒，咁唔知大家又試過全新推出嘅1664 Brut 拉格啤酒未呢？今年4月首度推出1664 Brut拉格啤酒（樽裝及生啤），今次全新推出500ml罐裝等大家時刻都可以享受到1664 Brut 拉格啤酒所帶嚟嘅清新爽口滋味，絕對係各位酒鬼們嘅福音！

1664 Brut 拉格啤酒以傳統葡萄酒工藝為製作靈感，一打開已經能夠聞到陣陣花香同葡萄香氣，飲落特別清新，微甜嘅口味絕對係大家杯「酒」！而且1664 Brut 拉格啤酒更巧妙地融合法國Brut氣泡酒嘅特點，每啖都充滿着清爽嘅氣泡感，令啤酒更加順滑易入口，加上採用「藍小麥」釀造，酒精濃度只有4.5%，即使係酒量唔算好嘅朋友都相對容易入口，啱晒同成班Friend一齊暢飲享受愉悅時光！

今次新出嘅1664 Brut 拉格啤酒500ml罐裝喺罐身設計上亦落足心思，除咗選用充滿高貴格調嘅香檳金色，再搭配品牌標誌性嘅高雅藍色，設計貫徹品牌「優雅而不失玩味」嘅理念，用嚟打卡都一流！

「軒公」張敬軒成品牌大使多個海報廣告、影片成打卡熱點！

今次1664除咗全新推出1664 Brut 拉格啤酒500ml罐裝，仲特別搵嚟張敬軒擔任品牌大使，具備優雅形象又充滿藝術才華嘅軒公簡直就同1664品牌理念完美契合，可以話係1664 Brut 拉格啤酒品牌大使嘅最佳人選！而1664 Brut 最新宣傳片同海報已經喺尖沙咀嘅戶外廣告版、港鐵站及巴士站登場，大家記得把握機會去打卡，識影就梗係要買罐1664 Brut 拉格啤酒去歎住咁打卡啦！

全新推出嘅1664 Brut拉格啤酒500ml罐裝現已於全港指定7-11、 OK便利店、各大超級市場有售。