TOKYO MILK CHEESE 殺入香港！最Like法國海鹽芝士曲奇 【上環食乜好】
廣告
日本超人氣伴手禮 TOKYO MILK CHEESE FACTORY 首間海外分店將於下星期（12月18日）登港，唔少為食一族已經非常興奮！究竟佢有咩咁吸引，令到遊客、甚至係日本人都瘋狂入貨，仲打入埋「日本旅遊十大必買手信」清單呢？而家即刻睇吓佢有咩咁巴閉！
必買產品1：法國海鹽芝士曲奇
據官方資訊，呢款海鹽芝士曲奇望落雖然同某品牌嘅曲奇有啲似樣，但餡料就非常唔同，佢以北海道牛奶、法國蓋朗德海鹽及法國卡門貝爾芝士朱古力製造，至今已售出超過一千八百萬片，為最受歡迎產品，非常架勢！而同系列仲有西班牙迷迭香峰蜜芝士曲奇同意大利羅勒番茄芝士曲奇，真係照顧哂甜食同鹹食愛好者喎！小編就對蜂蜜同芝士嘅新奇配搭非常有興趣啦，你哋又有無咩水心呢？
法國海鹽芝士曲奇
西班牙迷迭香蜂蜜芝士曲奇
意大利羅勒番茄芝士曲奇
獨特嘅「收納盒」式紙盒包裝，唔少買家都讚好，因為食完可以循環使用，夠環保！
必買產品2：牛奶芝士蛋糕
對於芝士迷嚟講，一小塊嘅芝士牛奶曲奇未必可以止到佢哋癮，佢哋或者更加想要一大件嘅芝士牛奶蛋糕！呢道嘅芝士牛奶蛋糕都好出名，以北海道及法國牛奶同忌廉混合而成，淨係聽都覺得奶味同芝士十足。佢因為係新鮮奶製品嘅關係，而需保持冷藏，唔可以離開雪櫃超過5個鐘，所以喺日本就比較難運返嚟香港，不過，而家香港嘅粉絲應該無咗呢個煩惱啦！
牛奶芝士蛋糕
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
