尖沙咀Tea Express Bar By Jrink巨大意式忌廉包！4款口味超好打卡：草莓味＋開心果味 另推抹茶飲料＋輕食｜區區搵食
廣告
Tea Express Bar By Jrink飲料店最近搬舖後再開業﹐主打以半糖為主的抹茶飲料，是茶控之選！不過今次新店重開後推出多款輕食，其中一款忌廉包造型相當突出，以巨大10cm高的忌廉層讓一眾港女的少女心瞬間爆發！4款忌廉包都打卡一流，食落好creamy好自癒！
撰文、攝影：艾菲｜圖片來源：Tea Express Bar By Jrink
Tea Express Bar By Jrink茶飲店尖沙咀重開！
若果你是茶控，必定會知道這間Tea Express Bar By Jrink的茶飲店，其店有茶藝師駐場，沖調日本抹茶、烏龍、紅茶、焙茶、純茶、咖啡等，款式多達50款！其中日本抹茶更是用日本百年茶舖有機抹茶粉沖調而成，用料精細。款款茶飲都預設為半糖，可以飲到濃厚的茶底，真正享受到啖啖茶甘澀的味道！早前Tea Express Bar By Jrink在尖沙咀K11 2樓結業，事隔多月後，再在同場K11 3樓再度開店，以一個小木屋外賣型式經營。而且新店更推出多款多款輕食，以茶入饌，是茶控們一大樂事！
收到柯打後，抹茶即時用茶筅製作，使抹茶受水均勻，然後快速地用茶筅攪拌至細緻起泡狀。（圖片來源：Facebook@Tea Express Bar By Jrink）
巨型10cm忌廉包四款口味：必食開心果＋朱古力味
新舖推出多款輕食，例如Bagel、三文治、鬆餅、沙律、甜品等。當中埋藏在輕食Menu右下角的意大利鮮忌廉包最有驚喜，一覺不為意就差點錯過了它！意大利忌廉包的忌廉即叫即打，所以要等候15分鐘。將忌廉塞滿包內後，再灑上糖粉在表面，一個圓碌碌的巨大意大利忌廉包就完成啦！整個忌廉包厚達10cm高，忌廉滑而細膩，甜度剛好，配上包身大啖大啖吃，感覺極為滿足！忌廉包一共有四款口味，包括原味、開心果、草莓及朱古力味。其中開心果及草莓鋪滿在忌廉包旁，增添口感，雖然忌廉爆棚，不過忌廉輕盈，食完都不覺得邪惡！
一共有四款口味，原味、開心果、草莓及朱古力味。（圖片來源：新假期編輯部）
整個鮮忌廉包足足有成10cm高！鋪得整齊自癒！（圖片來源：新假期編輯部）
加入開心果碎增添口感之餘，開心果果仁芳香，配搭著吃甘香清甜。（圖片來源：新假期編輯部）
這款新推出的焙茶芭菲，內裡包括焙茶啫喱、雪糕 、brownie、白玉、面頭鋪上焙茶忌廉及焙茶粉。不過焙茶忌廉偏鹹，蓋過了焙茶的甘澀味。（圖片來源：新假期編輯部）
餐牌：
- 餐廳：Tea Express Bar By Jrink
- 地址：尖沙咀河內道18號K11購物藝術館3樓Kiosk 51（顯示地圖）
- 電話：6073 7072
- 營業時間：星期一至日12nn-9pm
- Facebook專頁：tebbyjrink
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部、Tea Express Bar By Jrink
