北海道得獎名店「 Petite Merveille芝士蛋糕 」驚喜登港!
廣告
愈來愈多日本的甜品越洋來港，最新登港的是北海道函館名店 Petite Merveille芝士蛋糕 ，來頭不少，其主打的「原味金賞芝士蛋糕」曾創出日賣2,000件的紀錄之餘，由2010年開始，更連續6年獲具代表性的「最高金賞受賞」，常到北海道旅遊的朋友一定食過，而今次品牌登陸日本料理店「日和號」做外賣，即日供應至6月尾。咁係咪堅好食？Hello Pinkey已準備好試食報告了！
Petite Merveille芝士蛋糕 有幾勁？
- 品牌創辦人遠藤薰出身於百年老店「精養軒」
- 原味金賞芝士蛋糕是主打產品
- 曾創出一天賣2,000件紀錄
- 由2010年開始，連續6年得到具代表性的「函館メルチーズ」モンドセレクション最高金賞受賞。
Hello Pinkey試食報告
日本直送，用北海道產的山川牧場天然特濃牛奶和忌廉芝士製成，底層有薄薄海綿蛋糕。
賣相：★★★☆☆
正常日本芝士蛋糕賣相囉。
味道：★★★★☆
好食呀，入口幾Light，唔會好笠，在口中緩緩融化，芝士和牛奶味都好濃郁，凍食有少少似雪糕，亦無咁膩㗎！
抵買度：★★★★☆
$18/粒，日本直送，又用靚料，呢個價錢算係咁。
人氣抹茶芝士蛋糕
基本上是原味芝士加了抹茶，口感一樣，不過多一陣清新的抹茶香，抹茶控要試！
焦糖芝士蛋糕
焦糖芝士蛋糕在香港並不常見，呢款入口較甜，但甜得來有陣焦香，所以都唔會好膩。
米粉蛋卷 抹茶紅豆/櫻花紅豆味
這兩款蛋卷棄用麵粉，以米粉製，除了特別適合對麩質敏感的朋友之外，亦令蛋糕更加鬆軟。Hello Pinkey試咗抹茶紅豆，覺得幾好食喎，抹茶味清香，紅豆味明顯得來沒有蓋過抹茶味，又不會太甜，好鬆軟。
得獎朱古力蛋卷
此朱古力卷獲2011年的「モンドセレクション銀賞受賞」，Hello Pinkey又食咗，都好食，朱古力味超濃呀！
堂食蛋糕套餐
如果想坐底同Friend慢慢歎，就可以食以下的甜品拼盆，包括有雜菜沙律、果醬厚多士、玫瑰花茶和自己揀兩件蛋糕。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
