What does the Fox say? Mr Fox & Mrs Fox話你知美食體驗新驚喜！@Dining娜

相信去開鰂魚涌或喺附近返工嘅朋友，對Mr & Mrs Fox呢間三層高，集酒吧與扒房於一身嘅餐廳都唔會陌生。早排見佢哋裝修咗一段時間，係咪想知有咩新搞作？而家就等我Dining娜話你，裝修後嘅新菜式推介，仲有咩視覺同味覺新體驗啦～

新設計新感覺

餐廳名符其實，環境設計及菜式都以Mr Fox 與 Mrs Fox作主題，當中仲包含童話及復古元素。度身定製傢俱同擺設都由木及黃銅等材質打造，木製環境及伕喺香港呢個石屎森林入面，令人大有放鬆嘅感覺，難怪餐廳咁受歡迎！

三個樓層分別各有不同特式：

地下「Mrs Fox」 – 主打雞尾酒等酒類，及各種小食供小酌幾杯。

一樓「Mr Fox」 – 提供海鮮供牛扒等主菜，份量同質量並重，性格比相當高。

二樓「Den」- 為早餐聚會或小型會議而設， 當中大門需要按下鋼琴鍵打開！

你以為影完環境相之後，你就可以放低手機慢慢食飯？影相打卡位仲有佢！就係呢隻1:1嘅木製狐狸，佢只會乖乖企埋一邊任你影，所以唔使驚呀！

新精選招牌主菜

新主菜係由行政總廚David Parkin精心設計，菜式糅合現代同傳統烹飪精髓，由海鮮、牛扒、不同熟食至甜品一樣有！喺餐廳咁別緻優雅嘅環境享用，味道自然有加持啦！

太古餐廳電子獎賞計劃 6折優惠

睇完以上嘅美食，係咪已經好心急想試呢？而家就有個6折優惠方法話你知！只要參加太古餐廳電子獎賞計劃，客人可透過儲存喺手提電話內嘅電子獎賞卡獲得唔同獎賞。由5月1日起至6月30日，付款時出示已下載喺電子錢包內嘅電子獎賞卡，憑卡喺Mr & Mrs Fox消費，即可獲得6折優惠 （只限晚市堂食菜式）。

登記網站及活動詳情：https://rewards.swirerestaurants.com/

Click入去後選擇你想下載嘅獎賞卡，填妥所有資料後，就會獲發一張個人獎賞卡，只要將佢儲存到你嘅電子錢包 (Apple Wallet或Google Pay)，就可以隨時喺手提電話中查閱或使用。

提提大家，如果你係FeedMe Guru 肥美達人嘅會員，仲可以有優惠！

*優惠不可同時使用，如有任何爭議，Mr&Mrs Fox保留最終決定權

Mr & Mrs Fox
地址：香港鰂魚涌糖廠街 23 號 (顯示地圖)

電話：2697 8500