自由之丘Cafe登港!! MELLOW BROWN COFFEE 必試窩夫感熱香餅 |沙田食乜好|
廣告
今期流行和風甜品，繼有日本雜果芭菲過江龍來港開店，最近又添一員！日本咖啡品牌UCC 成功引進自由之丘發跡的連鎖Cafe— Mellow Brown Coffee ，並在沙田新城市開設其第七家分店。新店與UCC 其他cafe 一脈相承，同樣主打和風洋食。不過，Mellow Brown 則帶來東京總店招牌餐點Waffle Pancake！
撰文：Jeff | 攝影：Hong
MELLOW BROWN COFFEE美食背後 工序繁複
這種據說結合窩夫口感的熱香餅，製作考究費時。粉漿來自東京總部，每次製作要花上十分鐘時間，加入日本蛋白，打至杰身才成。打好的粉漿要立即落特製烤爐，爐面有窩夫格紋，燒出焦香酥脆的口感，煎好一面，用鍋蓋蓋起，另一面蒸烤十分鐘，以保持濕潤綿軟。做好便馬上放上雜莓、忌廉等各式Topping，配搭起來，又冷又熱，口感出眾！新店咖啡亦走精品路線，有九款來自UCC 自家莊園的咖啡豆選擇，再設手沖、濾壓、虹吸三種方法沖泡，做法專業，咖啡全部即叫即沖，配著班戟吃，實在一流享受。
即造熱香餅，綿密鬆軟，配上份量十足的日本鮮忌廉，再淋上冷冷的糖醃紅莓、新鮮藍莓與香蕉，食落酸酸甜甜的果香，正好互相平衡，多吃亦不膩。
熱香餅微微焦香，食落軟綿綿， 配著酥脆的合桃、濃厚的海鹽焦糖醬，加上冰凍雪糕，四種味道完美結合！
餐廳不乏像「藝妓」這種名豆供應，特別推介虹吸法，這裡的咖啡師，曾多次取得本地虹吸沖泡比賽冠軍，極有水準！
原Jar上菜，食客要自行將日式芝麻醬，倒進Jar中搖勻先食。材料豐富，有牛油果、生菜、烚蛋、鷹嘴豆等等，包你營養均衡！
每口都帶淡淡的細膩氣泡感，冰凍口感呈現出咖啡油的濃郁與咖啡豆的個性，這杯「哥斯達黎加」帶微微橙皮甘澀，相當迷人。
MELLOW BROWN COFFEE by UCC.
•地址：沙田新城市廣場一期7樓706號舖（顯示地圖）
•營業時間：星期一至五 11am-10:30pm，星期六、日及公眾假期: 10am-10:30pm
•電話：3586 0264
•備註：接受信用卡，需加一服務費
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
