Lobster Shack西環龍蝦主題海鮮餐廳！加拿大直送原隻龍蝦 即叫即拆 爆餡龍蝦包＋4重芝士Mac&Cheese｜區區搵食
撰文：Rice｜攝影：Tony
西環龍蝦主題海鮮餐廳Lobster Shack
即叫即拆！原隻加拿大龍蝦直送
西環新開一間以龍蝦作主題的海鮮餐廳，Lobster Shack，店內以寶藍色海洋作裝潢設計，門口設有少量半開放式座位，客人可看到廚師製作食物，感覺寫意。客人一入門口便看到海鮮吧放滿多隻龍蝦，隻隻飽滿。柯打後，便會從海鮮吧選取新鮮龍蝦，即場拆肉夠新鮮。店內菜式均由加拿大龍蝦入饌，每款均有足料龍蝦肉，肉質鮮甜彈牙，海鮮迷必定喜愛！
必吃推介：
4重芝士Mac & Cheese＋燒原隻龍蝦
翻開餐牌，超過9成均是龍蝦作主題，最招牌必是Mac & Cheese及Grilled Lobster。Mac & Cheese先炒香龍蝦肉，再加入牛奶、忌廉及2款車打芝士製成醬汁，香濃惹味。最後放入焗爐焗至金黃色，引人食慾。剛出爐的成品更可做出拉絲效果，啱晒打卡。Grilled Lobster做得較簡單，但亦更能突出本來龍蝦鮮味。先把龍蝦燒至半熟，放上4大塊蒜蓉牛油，再入焗爐加熱至牛油溶化，一出爐香氣四溢。加上清爽沙律及薯條作伴條，份量十足。
龍蝦肉鮮甜結實，牛油味道濃重，超鮮味。
芝士控必吃！最正是有4重芝士，食落濃郁Creamy。
包身軟腍，中間夾著清新西芹及蛋黃醬，香濃惹味，啖啖龍蝦肉超滋味。
加入龍蝦濃湯煮製，意粉彈牙，醬汁Creamy。
只限星期六及日 10am-3pm供應，炒蛋炒得滑嫩，配上酸種麵包，感覺輕盈。
切開蛋汁流出，很治癒。
勁推！
海鮮三層架 食齊5款海鮮
要是想大擦海鮮，可選這個海鮮三層架（Seafood Tower），食盡5款海鮮。有凍蝦、煙三文魚、青口、原隻龍蝦及Potted Crab。款款海水味濃重，特別是Potted Crab，啖啖蟹肉配上檸檬汁、蛋黃醬，清新開胃。食完整個三層架也不覺膩，感覺很Fresh。
1-2人享用，款款海水味濃，肉質新鮮。
餐廳：Lobster Shack
地址：西環西營盤第二街6-8號地舖（顯示地圖）
電話：2381 8138
營業時間：星期一至五 11am-11pm；星期六至日 10am – 11pm
招牌菜：Lobster Mac & Cheese、Lobster Roll、Grilled Lobster
Facebook專頁：Lobster Shack HK
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
