Kit Mak創意食譜分享！嚴選3款日本產「開運魚」自家製作新鮮Fusion料理

(查看完整食譜：https://rebrand.ly/Seafoodblog)

3款日本產「開運魚」做出創意料理

眾所周知日本人對食材新鮮度非常講究，除咗時令當造外，仲有唔同嘅吉祥寓意，其中Kit Mak嚴選嘅3種日本海產食材油甘魚、鯛魚同帆立貝就係常見嘅「開運魚」喇！除咗本身帶來嘅幸運，3款開運魚嘅營養仲相當豐富。

出人頭地 – 油甘魚

由於日本產油甘魚嘅名字會隨住成長階段不停改變，所以喺日本被稱為「出世魚」，象徵「出人頭地」，一般喺慶祝升職或增強事業運時就會食到。魚身油脂多、啖啖鮮甜肥美，脂肪中富含DHA同EPA，有激活腦部同預防因不良生活習慣引發疾病嘅功能，最適合作為開胃前菜。

3隻日本開運福將吉祥物當中，開運油甘魚性格自信，會不自覺想分享自己獨有嘅成功經驗，手上拎住嘅萬寶槌可以實現人們快速出人頭地嘅願望，而麻葉花紋嘅造型就用嚟驅散妨礙出人頭地嘅霉氣。

長壽富貴 – 鯛魚

日本產鯛魚含有高蛋白質、低卡路里，肉質鮮甜幼嫩，絕對是城市人嘅有「營」之選！加上在日本鯛魚屬於祝願「長壽富貴」嘅食材，所以一直深受日本人喜愛，喜慶場合一定會食到～

吉祥物嚟講，開運鯛魚因為長壽嘅關係，會經常扮演人生前輩嘅角角對人提出詳細建議，並且憑住自豪嘅魚鱗同多年經驗，應對人生風浪，但有時會因為高傲態度而令人受傷。手上拎住嘅權杖由幸運物昆布製成，可以進一步為人帶來好運！

順風滿帆 – 帆立貝

帆立貝外型本身好似一艘揚帆出海嘅船，喺日本人眼中有代表「順風滿帆」、「成功」嘅寓意。人緣好自然愛情、事業、家庭一樣順利，因此亦常見於日本新年料理。帆立貝味道厚肉鮮嫩，含有豐鐵同鋅等礦物質，以及維他命B群等。加上富含牛磺酸，能有效激活肝臟功能，消除疲勞！

料理創作上都十分多元化，無論前菜、刺身甚至主食都可以食出當中鮮味，Kit Mak就從中加發揮創意，炮製出全新fusion菜式 —— 豆乳帆立貝萬事如「意」，把帆立貝原有嘅鮮味配合以豆腐製成嘅意粉汁，有「意」頭又易整，最快15分鐘就食得！

開運帆立貝喺工作同生活上都非常順利，所以面對任何事都會樂觀又豁達。利用扇形展開嘅吉祥扇撥起順風，並且擺動有有箭翎狀花紋嘅身體，向成功邁進。

風生水起 開運魚生撈「喜」丼

既然揀選3大日本開運水產為食材，當然要以魚生丼作為壓軸主菜。製作時間約20-30分鐘，用上「出人頭地」、「長壽富貴」、「順風滿帆」3種日本開運魚，加上黑松露嘅獨特香氣，撈出豐富鮮甜口感嘅錦繡刺身黑松露撈「喜」丼，意味大吉大利。

即睇詳細日本開運魚食譜及教學影片，瀏覽更多有關日本開運魚資訊：https://rebrand.ly/Seafoodblog

https://www.facebook.com/japanluckyfishhk/

(Presented by JFOODO)