KITKAT銅鑼灣限定店開幕！MIRROR成員Edan大型海報高掛＋「爵屎」打卡 推日本直送新年雜錦禮盒｜新品速遞
廣告
KITKAT銅鑼灣Pop up店即將開幕！這次更聯乘MIRROR成員呂爵安Edan Lui拍攝廣告，限定店內更充滿打卡位，更有Edan推介的日本禮盒發售。限定店全場更以日式木系町屋及鳥居做設計靈感，各位爵屎們快啲去入貨撐偶像！
日本直送KITKAT Chocolatory朱古力Pop-up店 銅鑼灣時代廣場開業
Edan大型海報高掛引爵屎打卡
日本KITKAT Chocolatory去年襲港開限定店，引來大批巿民排隊入貨，人氣度爆燈。今次品牌再下一城，選址銅鑼灣時代廣場開限定店，攻佔商場中庭，最矚目莫過於高高掛起的Edan 海報，Fans打卡一流！此外限定店走京都古風，整間本館小屋由木搭建，還有層層疊起瓦片，加上傳統日式町屋的木系外觀及鳥居設計，讓人可以尋回少少久違了的日本旅遊感覺！
全新KITKAT禮盒及新口味：奶茶＋開心果
除了Edan外，KITKAT限定店更供應全新禮盒，包括日本雜錦禮盒及兩款袋裝冬日限定口味朱古力，口味有開心果及奶茶，送給朋友或放在全盒都得！禮盒分12條裝或18條裝兩款，裡面包含5款口味：開心果、奶茶、牛奶、抹茶及黑朱古力。
而限定店的中庭位置是自選區，放滿KITKAT Chocolatory mini朱古力，口味包括：柚子、熱情果、黑加侖子、士多啤梨、黑朱古力等，全部都是日本直送的迷你版本，客人可自由選擇配搭，買回家放全盒最適合。
Mirror成員Edan呂爵安為KITKAT禮盒拍廣告
快閃免費派EDAN咬朱古力卡仔
爵屎除了到現場打卡支持偶像外，其實Edan亦為今次KITKAT禮盒拍攝硬照及宣傳短片，其中一張是Edan食緊朱古力的造型，十分誘人！卡仔將於明天（8/1）在限定店快閃派發，各位爵屎READY！
- 店名：日本KITKAT®朱古力新年Pop Up 店
- 地址：香港銅鑼灣時代廣場二樓中庭（顯示地圖）
- 日期：2022年1月8日至2月15日
- 時間：早上10時至晚上8時 （疫情期間營業時間可能稍為調整，敬希見諒）
- EDAN快閃派卡活動：2022年1月8日
- 地點：時代廣場限定店
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：KITKAT
