KFC早餐新推3款粥品 家鄉雞變成粥配料！最平$18仲有油炸鬼+豆漿
廣告
KFC早餐竟然有粥食，記者為大家率先試食，最平$18有碗粟米粥套餐，包油炸鬼和香滑奶茶，加$5仲升級轉飲豆漿。記者試咗$29香葱家鄉雞粒粥和香葱粟米粥，但粥真是非常之稀，味道好淡，而炸家鄉雞粒口感算滑，但雞皮浸腍咗，質地有啲奇怪；最有驚喜是新鮮炸起油炸鬼，新鮮熱辣，脆卜卜。
KFC新推3款粥品！最平$18 仲有油炸鬼+豆漿
味道：
KFC早餐新出3款粥品，記者試咗香葱家鄉雞粒粥和香葱粟米粥，但粥真是非常之稀，味道極之淡，完全似食湯飯唔似粥，另外炸家鄉雞粒口感算滑，但雞皮浸腍咗，完全唔脆；新鮮炸起油炸鬼最有驚喜，拎上手仲熱辣辣，口感脆卜卜，成個餐嘅亮點！
價錢：
最平$18香葱粟米粥餐包油炸鬼和香滑奶茶，加$5可以升級轉飲豆漿；另外香葱家鄉雞粒粥$29，同樣包油炸鬼和奶茶。價錢幾平，但食物質素有啲失望，尤其是碗粥稀如水，油炸鬼就真心唔錯，豆漿就偏甜，無乜豆香。
評分：2/5
整體來講，KFC新出的早餐粥有啲失望，未知是否當日分店失水準，粥太過稀、味道又淡，家鄉雞粒幾滑，但雞皮浸腍冇咬口，唯一驚喜是新鮮炸起油炸鬼，脆卜卜好香口，是加分位，希望遲啲會改善一下粥嘅品質啦！
KFC全線分店供應
價錢：香葱家鄉雞粒粥餐$29、香葱粟米粥餐$18；加$5升級至特濃鮮豆漿
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部
