JK Brother’s 日韓海鮮刺身放題進駐荃灣 午市$88一人鍋＋晚市最平$218！必食大頭蝦＋醬油鮑魚｜自助餐我要
廣告
JK Brother’s主打日韓放題，一個價錢可以任食火鍋、刺身、海鮮、肥牛、熟食等，款式多達100款！最近JK Brother’s進駐荃灣，以日式和風裝潢，食著日式牡蠣鍋或壽喜燒鍋好有Feel！晚市最抵$218可以食足120分鐘，而午市仲有$88肥牛一人鍋，抵食到爛！
撰文：艾菲｜圖片來源：JK Brother’s、新假期編輯部
JK Brother’s 荃灣最新分店 日韓刺身海鮮放題
火鍋放題已經不足以填飽香港人的胃，多間放題餐廳都搞搞新意思吸引食客，而JK Brother’s放題店有齊火鍋、刺身、海鮮、熟食、甜品等，無論午市及晚市都只需一個價錢就食勻所有日韓美食，食物包羅萬有多達100款，難怪這間放題餐廳9月再度開分店，全場6,000呎，選址為荃灣這個美食天堂！今次新分店設計搖身一變，以日式和風卡位形式，加上垂落的藍色麻布簾，坐落更休閒舒適！
午市一人一鍋＋晚市最平$218
任食過百款：自撈大頭蝦＋美國Prime牛板腱＋刺身
JK Brother’s最抵食的一定是午市的一人一鍋放題，最平$88可以食到美國穀飼肥牛鍋，配6款湯底任選一款，而且自助區域的食物是任拎任食，不足$100的火鍋火題算是超親民又可以飽肚離場！
不過最吸引人的一定是有齊過百款式的晚市放題，由$218位起任食120分鐘。食客先從7款湯底揀選其一，例如日式牡蠣土手鍋、日式海鮮煉獄鍋、韓式雪濃湯鍋、韓式人蔘雞鍋、壽喜燒鍋等﹐最推薦是美國Prime牛板腱套餐配日式牡蠣土手鍋，鍋內有粒粒肥美的生蠔，再在自助區親自撈起牛奶貝、蟶子、大頭蝦等海鮮一齊涮，份外鮮甜惹味！
除此之外，食客可以點各式刺身如三文魚、醬油蝦、醬油鮑魚，也有各種串燒熱食、火鍋配料、丼飯、包點、甜品、飲料等，食勻全場先好走呀！
這款湯底有齊青口、蝦等海鮮，湯底帶點香辣，麻辣味較少。（圖片來源：JK Brother’s）
其他款式：
餐牌：
- 餐廳：JK Brother’s
- 地址：荃灣川龍街118號百悅坊11樓（顯示地圖）
- 電話：2802 3361
- 營業時間：星期一至日1pm-3pm、5pm-10pm
- Facebook專頁：jkbrotherhk
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
