尖沙咀食乜好！在港日本人最愛居酒屋大阪正宗串揚＋串燒午餐+ 晚餐CP值極高！

Jun 18 2019

（Presented by Jan Jan串揚）

去旅行大家都愛尋找當地特色美食，嘗試透過食物去了解該處嘅人文風情。若自問係哈日一族，又熱愛遊走大阪同關西一帶，自然會對串揚（串炸）呢種發源於大阪新世界地區嘅特色小食，熟悉不過！未有時間飛去大阪？可以嚟到大阪串揚名牌「Jan Jan Kushikatsu串揚專門店」（Jan Jan ），最近喺尖沙咀開設嘅香港第2家分店，一嘗正宗串揚風味！

點樣分辨好嘅串揚？首先炸衣要薄如金紙，仲要呈現出食物完整形狀。咬完第一口，未食嘅部分依然同炸衣連埋一齊。

在港日本人至愛串揚專門店 Jan Jan Kushikatsu

相約上司、同事收工後去居酒屋食嘢飲酒，向來都係日本獨有嘅生活文化，而尖沙咀因為有好多在港日本人喺呢區聚居同工作，所以開設咗好多日本餐廳、酒吧同居酒屋，成為大家想食正宗日本料理嘅好去處。最近經過赫德道25號嘅尊豪坊，發現原來成棟大廈都係由日本人開設嘅酒吧，由於呢啲酒吧比較多日本客人，所以網上暫時未有咩中文分享，但就成為呢區鮮為人知又正宗地道嘅日式餐飲消譴熱點，而「Jan Jan」正係成棟大廈唯一一家居酒屋餐廳！好多日本上班族都會喺呢度食完串揚，再到樓上嘅酒吧消譴；或者酒過三巡後落嚟「Jan Jan」點叫串揚填肚。

愈多日本人光顧愈正宗地道

雖然話尖沙嘴同其他地區相比，正宗嘅日本食肆選擇繁多，但一講到要食正宗大阪串揚，就真係5隻手指數得晒！居酒屋就可能有5間，但如果想喺尖沙嘴食串揚，就只得「Jan Jan」一間，因此成為好多居港日本人同香港吃貨，近期經常光顧嘅居酒屋之一！皆因品牌源自大阪，喺大阪同東京已開設咗13家分店，只要喺東京或者大阪住過嘅人，或者哈日一族，都會認識呢個串揚名牌，對於思鄉「味」濃嘅日本人，自然有種他鄉遇故知嘅親切感。

本地唯一居酒屋提供串揚串燒

雖然居酒屋喺香港蹤影處處，但想同時食到正宗串揚同串燒，相信走勻全港唯有「Jan Jan」能夠提供！就算成班朋友嚟到有人唔食串揚，都可以點叫呢度做得同樣出色嘅串燒嚟食！或者食膩咗串燒時，又可以轉食串揚，不時轉換吓口味，而且因為係逐串計（當然也有抵食套餐提供），就算係一個人、三五知己定係一大班人嚟食，份量同口味都可以完全自己話事！

任揀逾60款串揚及串燒

呢度嘅食物種類多樣，單係串揚已有逾40款選擇，串燒都有20款。日本食客忠誠度非常高，但為咗令每星期都會嚟光顧嘅客人，既品嘗到平日最喜愛嘅食物，同時亦有一定程度嘅新鮮感，「Jan Jan」會按照季節時令，由日本同世界各地引入當造食材同飲料。雖然成日強調日本特質，但呢度所有工作人員保證對每位客人一視同仁，唔會因為你係（或唔係）同鄉就會有待遇差別。

抵食推介：平日指定午餐免費升級！

呢度幾乎每晚都座無虛席，由於好受日本朋友歡迎，所以好有日本傳統屋酒屋氣氛，尤其係週末同假期前夕！晚餐、宵夜以外，佢哋嘅午餐都好抵食！以星期一至五為例，每份午餐由$68至$138不等，當中包括串揚定食（5款）、特選串揚定食（6款）同日本素食串揚定食（6款），前兩者包含海鮮、肉類同蔬菜，好味又營養均衡；後者就有口味較特別又健康嘅富士蘋果同山藥！仲有蛋包大阪燒燒麵同牛扒丼定食等口味選擇。新開張期間仲送指定套餐免費升級，又可以免費添飯一次，同送指定熱飲，真心抵食！

尖沙咀新店分別設有一般座位、吧枱座位及挖洞座位（VIP房），迎合唔同客人嘅喜好需要。