九龍城Hangry Baby日賣過百隻雞脾！生燒慢煮法＋$98四款海鮮｜區區搵食
撰文：素岐｜圖片：Scott
招牌生燒＋創意小店
這間串燒店居然選址於九龍城，一個集齊不同美食的地區，幸好店舖取名Hangry Baby，夠晒有噱頭，從事教育行業的店主Trevor形容「Hungry加Angry就是要大家保持心境肚餓，做事就會Keep住團火，變得更有衝勁。」Trevor更為串燒店設計一個「嬲爆爆的小孩」作代言人，食物包裝及餐具都附有正能量標語，舖頭形象瞬間變得更鮮明。
日賣過百隻雞脾！
店舖食物由擁有多年製作串燒經驗的合夥人阿福負責，食物味道及質素有保證，招牌雞脾製作做法，就是將全隻雞髀以12刀𠝹開，再用超過10種醃料醃製8小時，確保雞脾更入味。在客人下單後開始燒製，確保即叫即燒，而且堅持以生燒方法製作雞脾，雖然需時25分鐘，有點不便，但換來皮脆肉嫩的雞脾，絕對值得！想享受最佳的食物，客人就要有點耐性。
$98四款海鮮
為確保食物有質素，店主會要求醃料的份量及配搭達到一致性，而且用料要夠新鮮，好似店內另一招牌「海洋四寶」，Trevor表示他們每日會親自到九龍城街市嚴選及購買海鮮，絕不馬虎。
Hangry Baby
地址：九龍城衙前圍道66號❨龍崗道❩地下F1鋪（顯示地圖）
營業時間：星期二至日 12mn – 2am
電話：6174 4633
延伸閱讀：
【自助餐我要】金鐘85折酒店自助餐 任食帝皇蟹腳＋威靈頓牛柳＋鮑魚花膠
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
