GIACOMO銅鑼灣意大利餐廳 最平$500嚐米芝蓮級大廚套餐：必吃西班牙手工意粉＋意大利牛王他他｜區區搵食
撰文：Charmaine｜圖片來源：GIACOMO
銅鑼灣GIACOMO意大利餐廳 如置身大宅中進餐
GIACOMO是近期人氣的意大利餐廳，開在銅鑼灣皇冠假日酒店內，裝潢充滿華麗感，一室淺藍色的牆身，配上雕花設計，令人像到了意大利某大宅內進餐的感覺。餐廳分主餐區及貴賓房，主餐區有落地玻璃，坐著用餐時陽光滲進，令餐廳多了一種溫馨Homey感覺。人多的話亦可選坐貴賓房，有私人空間之餘，房間裝修精緻華麗，兩種感覺截然不同。
米芝蓮級大廚炮製手工意菜 必食「意大利牛王」生牛肉他他
餐廳的行政總廚Keith Yam亦有來頭，有超過20年的意菜經驗，曾於多家米芝蓮餐廳掌勺，例如城中的頂級3星米芝蓮意大利餐廳8 1/2 Otto e Mezzo Bombana及香港Ritz Carlton 1星米芝蓮餐廳Tosca（現為Tosca di Angelo）。Keith主張以新鮮及時令食材炮製菜式，當中不少材料均意大利直送。
不得不提意大利生牛肉他他，特別選用Fassone意大利牛王，跟意大利松露一樣，同樣產自意大利北部Piedmont地區，一身灰白色是其標記，多在高原上天然放養，身型健壯，雖然肌肉多脂肪少，卻出奇地肉質纖嫩。大廚今次就用來做生牛肉他他，牛肉肉質入口柔滑，鮮甜的牛肉香在口中爆發！
Fassone是意大利最高級的牛種，肉味特濃，用來製作他他，配上黑松露片及菊芋片，口感柔滑，有啖啖黑松露香氣，菊芋片亦增加了口感層次。（圖片來源：GIACOMO）
歐日海鮮入饌＋彈牙紅蝦意粉
Keith亦擅長主理海鮮菜色，食材用料豐富，有法國藍龍蝦、西班牙紅蝦，連日本食材海膽及喜知次魚都有。西班牙紅蝦意粉最叫人印象深刻，上桌時澄紅的顏色引人食慾，蝦身蝦尾已經去殻，吃得方便。意大利粉用的是chitarra，口感爽滑，大廚煮意粉火喉控制恰到好處，入口al dente，再配合以蝦殻蝦膏及西西里番茄熬製的極濃醬汁，啖啖濃郁蝦味！
原隻紅蝦蝦身嫩滑，大廚建議吃前挑出蝦頭的蝦汁蝦膏，再拌意粉吃，濃郁蝦味令人吃到停不了口。（圖片來源：GIACOMO）
紅蝦口感黏滑鮮甜，配合充滿海洋鮮味的Oscietra魚子醬，鹹、甜、鮮味交錯。（圖片來源：GIACOMO）
甜品方便，Keith深明香港人愛吃味道清新的甜品，又對日本生果情有獨鍾，故甜品就特別加入了日本食材的元素，例如當季的日本白桃、日本蜜瓜來做雪葩，味道天然清新，女生們必定喜歡！
新鮮白桃製成的雪葩味道天然，連藍莓醬、桃味泡沫同吃，冰涼清甜，十分消膩。（圖片來源：GIACOMO）
朱古力薄脆層層相間，配搭焦糖原粒榛子及榛子味意大利雪糕，可可味及果仁香配合得天衣無縫。（圖片來源：GIACOMO）
現時餐廳除了供應a la carte外，午巿時段亦會有套餐，$480-$680不等，視乎菜式選擇及份量，由前菜、主菜及甜品都有得選擇，連招牌紅蝦意粉都有得揀（額外加$280），不妨試試。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
