澳洲Gelato Messina雪糕店首開香港中環分店！店內鮮製意式雪糕 40款口味任揀：香港限定奶茶＋蛋撻味｜區區搵食
廣告
Gelato Messina是澳洲頗有名氣的意大利雪糕店，其雪糕用上自家農場出品的牛奶等原材料，讓雪糕入口有濃厚奶香感！今年Gelato Messina首度於香港開第一分店，選址中環，現場除了有40款口味，更有香港限定款式！分店一開業已經即現人龍，即睇有咩吸引力啦！
撰文：艾菲｜攝影：Day
Gelato Messina澳洲意式雪糕店襲港
繼美式雪糕店Emack & Bolio’s 結業，大家以為外國雪糕店在疫情底下難以支撐的時候，澳洲一間人氣意式雪糕店Gelato Messina殺入香港，在中環開第一分店！位置就在石板街上，行到身水身汗時歎返杯冰凍軟滑雪糕，即時透心涼！
Messina香港分店專程請來澳洲團隊成員Alessandro Palumbo坐陣，更與Black Sheep Resturants 甜品總廚Karys Logue合作，同創5款香港限定口味，例如港式奶茶等。店子於上星期五開業（1/10），已經有不少粉絲排隊等開門，相信Gelato Messina雪糕店又會帶來一陣雪糕熱潮！
40款Gelato：香港限定奶茶＋酥皮蛋撻味
Gelato Messina知所以在澳洲備受人氣，是因為店內的原材料都堅持自家製作，甚至有自設農場，包括牛奶牧場，榛子農場及士多啤梨農場等。其牛奶基底使用澤西牛奶（Jersey Milk），讓雪糕增添濃厚的奶香感，而且入口幼滑，製作Gelato最適合！香港分店的所有原材料都經由澳洲直送，每日在店內用由澳洲購入的意式雪糕機炮製，保證還原澳洲總店的味道！
Gelato Messina香港店一共有40款口味，其中5款為每周限定，5款為香港限定口味，當中包括港式奶茶、蛋撻、大樹菠蘿及豆腐花味等，其中蛋撻雪糕加入層層的自家製焦糖酥皮，雪糕滲透著淡淡的吉士及蛋香，加上脆卜卜的酥皮，既冰凍又酥脆！
港式奶茶用上紅茶及自家製牛奶製作，入口茶餐廳的奶茶味即湧進現，後勁帶甜。（圖片來源：新假期編輯部）
除了杯裝外，也有筒裝選擇。（圖片來源：新假期編輯部）
層層帶有焦糖酥皮，入口依然香脆！（圖片來源：新假期編輯部）
分店還有招牌開心果味、極濃焦糖奶醬、草莓、芒果雪葩等，仲可以購買0.5-1.5L的家庭裝回家慢慢歎，最多可以放足5款口味！
澳洲中最為出名的是開心果仁味，用上自家農場的開心果製作，入口也有果仁粒。（圖片來源：新假期編輯部）
- 餐廳：Gelato Messina
- 地址：中環砵典乍街37-43號嘉寶商業大廈地舖（顯示地圖）
- 電話：從缺
- 營業時間：星期二至四3pm-10pm、星期五至日及公眾假期3pm-11pm
- Facebook專頁：Gelato Messina Hong Kong
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：
