Fushion 港菜 流心奶黃 心太軟 【灣仔】
廣告
睇落好似平平無奇嘅一間中式菜館，但其實內有乾坤。店主將香港地道小菜，加入自創的新元素，大變身成為多款新派港式菜。例如細細粒似飯糰的煲仔飯，利用意大利Risotto ball嘅做法，將醃了甜豉油的米飯加入切粒紅臘腸及Mozzarella芝士搓成球狀再炸，外層有少少飯焦，鹹香十足，好似食緊真嘅煲仔飯！另外估佢唔到就是奶黃流沙包，店主將佢結合 心太軟 的做法，自家製蛋糕口感綿密，奶黃醬的味道經過反覆試驗，唔會太甜。餐廳每兩至三星期會轉下menu內的菜式，例如煲仔飯、梅菜肉餅流心蛋及東坡牛肋骨等菜式便會於下幾個星期先會有，想食就打去問下啦！
未切之前奶黃香味已經好出！切開後流心奶黃醬慢慢流出，奶黃味濃郁而且甜度適中，鍾意食甜啲可以蘸埋Oreo碎。
靈感來自窩蛋免治牛肉及番茄牛肉，底下是牛肉碎、新鮮番茄粒及洋蔥粒，上面鋪落了炸薯粒及溫泉蛋，食落更有口感，撈飯一流!
無用砂鍋的煲仔飯，估你唔到又食到少少飯焦，臘腸粒可以再多少少，嫌唔夠濃味可以再蘸點甜豉油。
午餐前菜及主菜都有素食選擇，凍豆腐上以西芹代替了肉碎，微辣又好開胃。
切件豬扒肉質鬆化，淋上Mozzarella芝士及自家製黃醬，黃醬內加了番茄粒及菠蘿粒，更顯鮮甜。
靈感來自叉燒飯，以菠蘿包代替了飯，以日式豬肩肉取代了蜜汁叉燒，肩肉下塗了一層蛋黃醬，食時有淡淡甜味，原來是蛋黃醬中混入了少量薑。
店內雖保留了舊式舖頭的木紋枱及鐵凳，但感覺摩登，更有中式餐廳少見的開放式廚房。
家香
地址：灣仔港灣道8號瑞安中心1樓103號鋪（顯示地圖）
營業時間：8am-6pm (星期六及日休息) 8月可能增設晚市，詳情可致電查詢。
全場座位:52
人均消費:$200
電話: 2659 9189
延伸閱讀：
夏日3大 鬼馬甜品 雪糕扮壽司‧炸魚‧芝士
週末遊懶人包 大埔 林村 的Hea‧食‧假期
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
