大陸排隊梳乎厘Fufuland旺角店開幕！8款口味 最平$26食到 ！
廣告
大陸超人氣梳乎厘專門店Fufuland落實進軍香港，首間門市選址旺角，之後元朗都會開分店！Fufuland憑著鬆化軟綿、蛋香濃郁的梳乎厘獲得眾人喜愛，成為深圳排隊名店，門市人龍不斷，更是港人北上必買美食之一！首間香港分店已經開幕，以後在香港都可以食到啦！
大陸必食梳乎厘Fufuland旺角店開幕！
大陸梳乎厘Fufuland近年來大受食客歡迎，成立短短兩年便極速擴張，分別於蘇州、上海、深圳、廣州、福州等各地開設分店，人氣急升，更有不少港人特意前去一嚐其滋味！主打生乳梳乎厘，即叫即製，梳乎厘漲卜卜，空氣感十足，口感輕盈富蛋香！
Fufuland已正式登陸香港，首間分店選址旺角，並已於7月20日營業，開幕當日場面相當熱鬧，可見門市大排長龍！梳乎厘口味方面選擇多，有8款味道，包括開心果、雪覆樹莓、海鹽Oreo等，最平$26就食到，值得一試。另外雪糕系列同樣是必食，推介梳乎厘雪糕、北海道牛乳雪糕、抹茶雪糕等，甜品控不能錯過！
Fufuland登港後積極擴張版圖，除了旺角分店外，更會進駐元朗新商場Yoho Mix元點、九龍灣Megabox、屯門市廣場，一次過連開幾間分店相當進取！店舖表示元朗分店將於8月開幕，不少港人都表示期待！
- 餐廳：Fufuland
- 地址：
1. 旺角亞皆老街8號朗豪坊B2
2. 元朗朗樂路1 號Yoho Mix元點L1 B112號舖（未開業）
3.屯門屯順街1號屯門市廣場1樓1001B號舖（未開業）
4.九龍灣宏照道38號企業廣場5期MegaBox 10樓（未開業）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：小紅書@ fufuland
