DONKI新增即煮即食麵區！最平$36自選拉麵＋附叉燒／味玉 專人煮到上枱！
廣告
Don Don DONKI都有即煮即食麵？！早前北角有一間新開的韓式自助拉麵店引來城中熱話，不少人對於香港首次出現這種自助即食麵店都感到新奇。最近記者發現銅鑼灣Don Don DONKI一樓翻新後，在鮮選壽司旁邊新增了「即煮拉麵區」，更設有拉麵牆！即刻真金白銀實測咩料啦！
銅鑼灣DONKI即煮即食麵！最平$36有交易
銅鑼測DONKI一樓翻新後，有鮮選壽司進駐，而對面就是最近發現的「即煮拉麵區」。在收銀機隔壁有自選日版拉麵區，供應5-6款公仔麵，最平$36，當中含$29加工費。食客可以先自選心宜的即食麵款，再到收銀處結帳，然後便會有專人幫你煮。所謂的加工費除了包有專人煮麵服務外，還會於即食麵上附有叉燒、竹筍和半隻雞蛋。食客可以在同層的堂食區坐低慢慢食，一人飯堂就啱晒啦！
不過說穿了都是即食麵，所以味道是想像到的。即食麵麵質偏軟腍，不過叉燒頗有誠意，有微微炙燒感，食起來尚算可以，這個價錢可以食到賣相似拉麵的公仔麵都幾有趣。值不值得就見仁見智，唔想喺屋企自己煮的話，咪試吓囉。
其他日式輕食：
- 店名：Don Don DONKI
- 地址：香港銅鑼灣百德新街22-36號名珠城1樓
- 即煮即食麵供應時間：12pm-5:30pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部
