Chateraise

Chateraise全新士多啤梨系列！14款甜品：草莓大福＋千層蛋糕＋蒙布朗儲齊印花即送原盒日本士多啤梨｜新品速遞

Mar 18 2022

廣告

Chateraise日牌餅店最近推出全新士多啤梨系列，以日本紅頰士多啤梨製作出14款甜品。購買指定產品，儲齊印花即可換取原盒日本士多啤梨！記者今次為大家開箱實測其中3款蛋糕，即睇試食報告！

Chateraise日本士多啤梨蛋糕系列登場！

日本士多啤梨無人不歡，其中一間日本過江龍連鎖蛋糕店Chateraise，最近以日本紅頰士多啤梨作主題，一連推出14款甜品！由即日起至4月16日已登陸各區分店！當中有6款件裝蛋糕、7款原個蛋糕及1款士多啤梨大福。款式集合了不同蛋糕類型，例如千層蛋糕、海棉蛋糕、芝士蛋糕、慕絲蛋糕、蒙布朗等。現時此主題更加推出印花收集活動，購買指定產品可獲得1-2個印花，儲滿20個印花可免費換取1盒12粒紅頰士啤梨！今次記者在14款甜品中，選取3款作試食，包括士多啤梨波波、長條蛋糕、蒙布朗，即睇試食報告啦！

chateraise Chateraise連鎖餅店士多啤梨企劃。 — Chateraise連鎖餅店士多啤梨企劃。

新假期試食：

chateraise 記者實測！Chateraise全新14款草莓系列 3D巨大草莓，呢款內藏棉花糖／朱古力脆脆 — 記者實測！Chateraise全新14款草莓系列 3D巨大草莓，呢款內藏棉花糖／朱古力脆脆

賣相：以日本士多啤梨作主題所有蛋糕都用奶白、紅、粉紅做主調，加上原粒士多啤梨賣相，好吸引眼球。

士多啤梨波波：用料足足8款以上，口感豐富。食到一半有大大粒棉花糖好驚喜！入口有不同甜酸味衝擊，增添食慾。

蒙布朗：慕絲軟滑偏甜，內層煉奶味不突出。中間果凍酸咪咪，有冰震效果。白朱古力粒脆增口感，香甜味出眾。

士多啤梨長條蛋糕：20cm長海綿蛋糕，士多啤梨味偏淡。鮮忌廉比例過多，引致偏甜膩。日本紅頰士多啤梨香甜多汁。

價錢：士多啤梨波波(左)：$46 ；蒙布朗 (中):$49 ；長條蛋糕(右):＄180。價錢偏貴，建議選取1-2款試即可。

此系列有14款蛋糕及士多啤梨大福，記者只試其3款，不能以偏概全。3款中，士多啤梨波波最有驚喜，其他用料雖足，但甜度過高，材料味道不突出。

其他產品：

特級士多啤梨鮮忌廉蛋糕$42

特級士多啤梨薄餅芝士蛋糕$45

特級士多啤梨焗芝士蛋糕$45

雜莓酥皮船$45

特級士多啤梨樂園15cm$350

特級士多啤梨千層蛋糕$295

特級士多啤梨鮮忌廉蛋糕15cm$280

特級士多啤梨鮮忌廉蛋糕18cm$330

特級士多啤梨&藍莓朱古力蛋糕15cm$280

特級士多啤梨&藍莓朱古力蛋糕18cm$330

士多啤梨大福(2件裝)$42

餐廳：Chateraise
分店地址：（請按此）
發售日期：3月4日至4月16日
網上訂購：（請按此）
Facebook專頁：chateraise.hk

關鍵詞

新品速遞甜品蛋糕水果

撰文：艾菲圖片來源：新假期編輯部、Chateraise