Beans Cafe開荳子冰室 必試招牌$11荳子包＋椰香荔芋滑雞煲＋懷舊鐵板餐＋燉湯｜區區搵食
廣告
Beans Cafe將軍澳開荳子冰室！今日（11月8日）正式開幕！今次不賣咖啡、All Day Breakfast等西式餐點，而是賣懷舊冰室常見的食物，鑊氣小炒、常餐、鐵板餐、新鮮出爐麵包、燉湯等，且價錢貼地，$6包點、$30-40一份常餐等，絕對可成為附近街坊及上班族的飯堂！
撰文：Rice｜圖片來源：荳子冰室
Beans Cafe將軍澳開荳子冰室
人氣Cafe Beans Cafe自開業以來人氣高企，主打咖啡、甜品及輕食，高質食物更吸引不少港人，引致分店愈開愈多！如今將發展另一條副線，於將軍澳開荳子冰室「Cafe De Beans」，名字夠晒搞怪。裝潢格局跟足懷舊冰室風，以2-4人座位為主，門口一旁還有新鮮出爐麵包爐，很吸引！門口輪候位置更有巨型將軍澳地圖作打卡位，把將軍澳風景畫成壁畫，夠晒吸睛。
食物推介！
$11招牌荳子包＋鐵板餐
早餐、午餐、下午茶及晚餐都有供應，晚市更有鑊氣小炒及燉湯，款式多樣。早餐多以茶記經典早餐為主，如牛奶麥皮、三文治、新鮮出爐麵包、沙嗲牛肉公仔麵等，特別推介出爐麵包中的自家製荳子軟包，分吉士及紅豆餡料，表面印上荳子二字，烤得鬆軟綿密，必點！
午市則有常餐、焗飯、炒飯為主，每星期更換一次餐牌。下午茶就有炸雞髀、吉列豬排的滋味小食，且更有舊時冰室常吃到的雪糕粒粒西多士、椰絲啫喱糖等甜品，懷舊風十足。晚市方面則有約30款鑊氣小炒，有雞煲、蝦球炒蛋、椒鹽鮮魷、蟲草花蒸滑雞等暖笠笠菜式，最正是加$20即有燉湯，暖胃又滋補。食肉獸也可選擇全日供應的鐵板餐，啖啖肉，夠晒滋味！
有紅豆或吉士餡料，香甜鬆軟。
有餐肉、火腿、煙肉、芝士、炒蛋、番茄6款配料可選，脆身菠蘿配上鬆軟麵包，夾著厚厚配料，超邪惡！
雞髀炸得酥脆，皮脆肉嫩。
是冰室的招牌菜，醬汁倒下，聽到鐵板滋滋響，引人食慾。
套餐會配上丹麥多士，黑松露醬炒蛋，相當豐富。
夠晒鑊氣，酸甜開胃。
芝士半溶，讓酸爽茄醬添上芝香。
配飯一流，油香邪惡。
午市加配$10便有，色彩繽粉，夠晒吸睛。
熱辣辣西多士配上冰涼雪糕，一冷一熱，口感豐富。
餐廳：荳子冰室
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
