BEANS新推兩餸飯！九龍灣加推$20試食價 16款菜式任選：叉燒炒滑蛋/蜜糖雞翼
廣告
人氣咖啡店BEANS即日起推出兩餸飯，指定九龍灣分店限定供應，提供多達16款的精選冷盤、熱葷，包括炙燒蜜汁叉燒炒滑蛋、檸檬蜜糖雞翼、櫻花蝦蒸水蛋等等，仲可以自選主菜包括白飯、香草焗薯及雜菜沙律，指定日子更推出激平$20（原價$40-$45）試食價，每日限量50份，而且加碼贈送飲品，附近街坊、打工仔切勿錯過！
人氣咖啡店BEANS推出兩餸飯激平試食價$20
人氣咖啡店BEANS 推出震撼價$20兩餸飯，只限九龍灣分店供應，優惠期加碼由即日起至9月20日（9月18日公眾假期不設售賣兩餸飯），每日頭50份兩餸飯會有$20優惠價，每人限購兩份，其後就會以原價$40兩餸或$45三餸發售。$20兩餸飯提供多達16款精選冷盤、熱葷選擇，每日都有6至8款可供選擇，更會不時轉換新菜式。有別於一般的兩餸飯，大家仲可以自選一款主食，包括自選白飯、香草焗薯及雜菜沙律！除了有$20優惠價外，BEANS仲加碼送飲品，只要以任何優惠及正價購入兩餸飯，即送淳。茶舍大紅袍烏龍茶飲料（無糖）或 銀毫茉莉綠茶飲料（無糖）一盒！
BEANS豐富$20兩餸飯
BEANS的$20兩餸飯會在每日11:30am開賣，推出首日的熱盤有炙燒蜜汁叉燒炒滑蛋、焗檸檬蜜糖香草雞翼、椰香咖喱雞扒、忌廉蘑菇豬扒等，而且會唔定期咁轉菜式，有櫻花蝦蒸水蛋和茄子肉絲豆角等！每日只限頭50份兩餸飯先有得享用$20優惠，大家記住把握機會啦！
- 餐廳：BEANS九龍灣店
- 地址：九龍灣偉業街33號德福廣場1期平台P39A號舖
- 營業時間：星期一至日 08:00-22:00
- 備註：供應時間為逢星期一至五 11:30-16:30；$20便當優惠期為2024年9月16至20日（9月18日公眾假期不設售賣特色自選料理便當），每日限量50份，每人限購2份，其後則以原價發售（$40兩餸/$45三餸)；贈送之飲料將隨機派發，數量有限，送完即止
- FB按此
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：BEANS授權圖片
