室內 BBQ 神器 唔使落油炮製juicy燒肉@Dining娜

我Dining娜最鍾意約班姊妹開party食好嘢，飲番兩杯吹下水，補償返工咁辛苦。有時我會親自下廚露兩手，近排上網發現咗部正嘢，可以玩室內 BBQ ，幾分鐘就燒到肉同海鮮，鎖住所有肉汁同鮮味得嚟又唔會燒燶。除咗燒烤亦可以烤焗、加熱食物，講到咁正梗係要試一試佢啦！

BBQ 神器 紅外線專利技術

燒得嘢食都預咗邪惡，牛仔骨，牛胸肉，豬肋骨，扇貝，大蜆……必買無手軟。拆盒試機見佢用紅外線技術烤熟食物，check番原來係專利技術，唔係部部機有，可以保存肉汁同營養，難怪啲肉一咬落去即爆汁，扇貝同蜆就鮮味爆燈！想調較溫度，除咗升起或者壓低高度調節管，佢機身仲有一個轉扭係較溫度，方便易用。煮嗰陣唔使落油，冇咁肥健康啲，慳番quota食多兩舊肉先，唔好搶我塊牛胸肉呀！

方便企理多功能

又食又玩一大輪，我同班姊妹竟然仲係身光頸靚，冇搞到全身一陣油煙味，塊面又唔會油笠笠，好嘢喎。不過煮嘢食最痛苦都莫過於洗碗，次次都要抽籤搵人做，點知今次輕輕鬆鬆就拆開洗完。好味又企理，個個都話想快啲encore再食過，我就梗係贊成! 平時用嚟烘下多士，加熱下餸菜，又得啫! 嚟緊幾餐有著落喇。

零售點：百老滙

發售日期：11月底

詳情請留意Zaigle Well Being – Hong Kong Facebook專頁: https://www.facebook.com/zaigle.hk/