高質Fusion西餐廳A.O.M｜嚴選新鮮食材 必試海鮮菜式＋牛扒

A.O.M自從搬到西營盤高街88號後，地方更大更舒適，設計簡約又有格調，令人一入店就感受到放鬆嘅氣氛。餐廳位置非常方便，距離西營盤地鐵站僅幾步之遙，無論係放工後即興搵食，定係週末同朋友聚會，都輕鬆到達。雖然座位唔算多，但勝在空間設計得宜，更設有戶外座位區。夜晚品嚐美食之餘，配上一杯紅酒同精緻晚餐，chill爆嘅感覺真係無得輸！

必食推介1：蟹肉蟹膏木魚湯泡飯

講到A.O.M嘅王牌菜，蟹肉蟹膏木魚湯泡飯絕對係唔少食客嘅心頭好。熱辣辣嘅木魚高湯，湯底濃郁清甜，完全唔膩。湯飯配上鮮甜嘅蟹肉同濃香蟹膏，再加入蘑菇同紫菜，每啖都充滿海洋嘅鮮味，層次豐富，難怪成為A.O.M嘅人氣之選。無論係冬天想暖胃，還是夏天想食啲清爽嘅嘢，呢款湯飯都啱。

必食推介2：蒜香芝士麵包球

如果話主菜係A.O.M嘅靈魂，小食就係佢哋嘅亮點。蒜香芝士麵包球係最強小食之一，由生麵團開始人手製作，加入香草蒜蓉牛油同自家製秘製忌廉芝士醬，再放入焗爐烤至金黃色。啖啖都外脆內軟，芝士同蒜香嘅味道香氣四溢，令人停唔到口。

必食推介3：澳洲穀飼肉眼牛扒

鍾意食牛扒嘅朋友，餐廳嘅澳洲穀飼肉眼牛扒絕對唔可以錯過。選用M2級澳洲肉眼，脂肪分布平均，肉質嫩滑又有咬口，入口即化嘅油花同濃郁嘅肉香真係令人滿足。所謂「穀飼」，係指牛隻喺飼養期間以高熱量嘅粟米、大豆同五穀作為食糧，令肉質更軟滑多汁。無論鍾意三分熟定五分熟，A.O.M嘅廚師都能夠將牛扒煎得恰到好處，配上簡單嘅薯條同沙律，簡單卻充滿幸福感。

必食推介4：羽衣甘藍羅勒雞肉意大利寬麵

看似平平無奇嘅意大利寬麵，背後卻藏著餐廳嘅心思。羽衣甘藍被攪碎混入自家製羅勒醬汁，既保留濃郁嘅羅勒香氣，又帶有羽衣甘藍嘅清新味道。配上以西京白味噌醃製再烤焗嘅雞肉，肉質嫩滑多汁，與醬汁完美融合。呢道菜唔單止味道出色，仲充滿健康元素，啱晒追求飲食平衡嘅都市人。

必食推介5：火炙帶子墨魚汁意大利飯

如果你係海鮮控，火炙帶子墨魚汁意大利飯一定會俘虜你嘅味蕾。新鮮帶子經過火炙處理，表面微焦帶有炭香，更加突顯鮮味。濃郁嘅墨魚汁同意大利飯融為一體，飯粒軟硬適中，吸收晒墨魚汁嘅精華。仲有魷魚鬚同自製墨魚汁脆片點綴，擺盤精緻又吸睛。呢款意大利飯份量啱啱好，一人獨食或者同朋友share都得！

甜品之選：開心果牛角包窩夫

食完正餐，點少得一客甜品作為完美ending？A.O.M嘅開心果牛角包窩夫係近期大熱之選，手工製作嘅牛角包窩夫鬆化有層次，外層香脆，內裏軟熟。上面仲加上雪糕同自家製開心果忌廉，開心果嘅濃香完全唔膩口，另一邊配上酸甜嘅草莓醬，多重味覺刺激令人一試難忘。無論係同朋友share定獨自享用，呢款甜品都可以為你嘅用餐體驗畫上完美句號。

午市驚喜：洋食同和食任你揀

除咗晚餐出色，A.O.M嘅午市套餐同樣令人期待。餐廳不定期更新午市餐牌，提供洋食同和食兩大選擇，滿足唔同口味嘅食客。洋食推介暖暖牛骨雪濃湯泡飯，選用M2級肉眼牛肉，湯底濃郁暖胃，啱晒中午想食得溫暖啲嘅你。而和食方面，有野菜天婦羅、明太子玉子，仲可以自由配搭鹽燒鯖魚或牛肉漢堡扒，選擇多多，性價比超高。午餐時段人流較少，環境更寧靜，係一個偷閒嘅好時機。

A.O.M唔單止係一間西餐廳，更係一個讓你放鬆身心、享受美食嘅隱世角落。從環境到食物，每一個細節都充滿心思。作為一間連續兩年獲提名嘅得獎嘅食店，佢哋將西餐嘅精髓同創意完美結合，每道菜式都充滿心思！

A.O.M西環

地址：西環西營盤高街88號地舖

電話：3500 6778

網址：www.aomhk.com

(Presented by：A.O.M)