【90分鐘玩盡 薯蛋頭 】全港「最抵玩」主題餐廳 @ Izumi Curry

結果我們大約12點到達, 順利排第六, 阿太:「都話無乜人㗎啦」, 店員話:「我哋開11點半, 最多食90分鐘, 所以最遲你哋1點就可以入」

主題餐廳排隊有個好處, 就是可以與門口的大公仔影相之餘, 還可以逛入面的Pop-Up-Store.

阿囝不停摸不停說:「我鍾意薯蛋男仔, 靚過薯蛋女仔好多, (即係你鍾意薯蛋佬啦!!), 咩老呀? 佢叫薯蛋頭先生喎」

我本來看中了薯蛋小姐散紙包…但因為小朋友又看中玩具,為免一次過要買兩件, 縱使周圍氣氛不停叫我:「買啦!!買啦!!」, 我還是忍手離場.

原來逛逛「薯蛋」堆, 很快又消磨了20分鐘, 門外一早已排滿人龍, 心暗喜:「好彩我早咗少少到啫…」. 結果, 我們大約等了45分鐘, 便正式可以入餐廳與薯蛋頭玩遊戲啦!!

薯蛋頭 的眼耳口鼻貼滿牆, 餐紙, 杯墊全部印上靚靚的薯蛋樣. 而且四款餐紙更是任你自由索取, 簡直大方得體得要加分.(最慷慨主題餐廳)

整個餐廳全部都是 薯蛋頭 , 愈被公仔包圍, 我就愈開心, 如果連所有店員的制服也是薯蛋, 一定更煞食.

記得要讚好他們的專頁, 之後就可以得到一個 薯蛋頭 紀念匙扣, 店員跟我說:「一套三款㗎, 三個戶口一齊讚好就可以儲齊…」

回家後才發現一套有4款㗎!!! (點解?? 點解我唔一早上網查清楚呢?? 即係我要食多次先可以儲得齊…嗚嗚嗚)

芝士牛肉薯餅飯$129, 唯一一款真的用薯仔料煮成的套裝, 必點之選…薯餅下就是飯, 可以分體的感覺, 十足十如同玩玩具一樣…(我其實唔捨得食咗佢)

最後謀殺任務就交托給心狼手辣的阿太…她一羹將薯蛋先生解剖…阿囝交叉手大叫:「唔好殺死佢啦…」

日本咖喱偏甜, 但這裡的卻帶微辣, (又話加甜嚟迎合細路既??), 結果怕辣的囝一口飯, 三口可樂:「我忍到㗎…我忍到嘅…只要有可樂…我忍到」(你想飲晒成罐之麻, 你估我唔知咩!!)

其實, 我們這一家都算殘忍, 我負責吃 薯蛋頭 的蘿蔔手, 阿囝就食他雙眼….(好可怕的食人狂一家) ~不過蘿蔔唔夠腍…阿太:「你估你食牛腩粉咩, E度點會腍呀??」

朋友知道我去食 薯蛋頭 , 不約而同問我:「好唔好食呀??」.

我就答:「主題餐廳係食環境, 最重要夠多 薯蛋頭 包圍住你…Izumi Curry絶對較apm的Kumamom Cafe更有主題.而食物過得去就已經算Bonus啦!」

之後…(店舖限定)朱古力醬熱香餅配橙汁$69 登場,這是我暫時食盡所有主題餐廳,最互動,最有自主創意的一份食物…(請畀趣…拍拍拍拍拍拍拍…十個趣)

熱香餅是 薯蛋頭 , 店員會附上一枝朱古力醬,真的薯頭任你畫…阿囝說:「點解好似差咗啲嘢咁…」

無錯, 因為畫不到耳朵及高帽,所以我順手拿了旁邊的香蕉作耳, 忌廉便當廚師帽啦…都算有7成似吧???

之前7-11買一支朱古力醬筆, 也要$10…今日全支任你畫, 超抵!!

阿囝強烈要求用朱古力醬寫完字, 要活埋班戟, 這枝筆的朱古力非常淡口, 即使用多多, 也沒有太甜的感覺, 絶對畫得輕鬆, 食得寫意得爆.

Mr. Potato Head Cafe襯得好正,超萌薯蛋頭公仔每枱一個,坐定定陪你食飯,簡直安撫小朋友的最佳食肆,左影右影,就連無時停的小朋友吃完甜品也叫:「我唔捨得走呀!!我好鍾意薯蛋頭」

哈哈…扮嘢小朋友…經過Kumamom Cafe,海港城姆明Cafe, 每次向公仔「拜拜」一刻，就以淚洗臉攬到實一實…一出門口,見到其他玩具又再跳跳紮….

(阿囝…你係戲子嚟嘅…『我全家都好平安喎, 前面米有電話囉』… 我唔會再上你當㗎啦)

真人Mr. Potato Head 登場抱抱會日期:

7月4日 (星期六) (開幕日) 屯門 V City

7月11日(星期六) 、12日(星期日) 屯門 V City

7月18日(星期六) 、19日(星期日) 尖沙咀 Mira Mall

Izumi Curry

地址：屯門屯門鄉事會路 83 號 V City 商場 1 樓 9 號舖 (顯示地圖)

地址：尖沙咀彌敦道118號Mira Mall1樓 (顯示地圖)

延伸閱讀：
香港仔秘店！一人 甜筒PIZZA 【香港仔】
主題餐廳 今夏最hit~動漫界殺入食壇！