8度海逸酒店自助餐8折優惠！$455任食生蠔/鱈場蟹腳/煎鵝肝｜自助餐我要

8度海逸酒店自助餐8折優惠 $454.4起！

位於土瓜灣8度海逸酒店的8度餐廳，將於2022年7月1日至9月30日期間，推出「盛夏‧鮮味」自助晚餐，提供多款世界各地的美食！推廣期間，凡於酒店eShop預訂星期一至五自助晚餐，即可享8折優惠，而預訂星期六、日或公眾假期自助晚餐亦可享85折優惠，每位只需$454.4起，約埋三五知己一齊食返餐勁啦！除此之外仲有生日優惠，凡4位或以上同行惠顧自助晚餐，生日之星可享半價優惠 (以原價計算)，或免費生日蛋糕1磅，或紅/白餐酒乙支。

多款海鮮任食生蠔 /鱈場蟹腳！

海鮮一向都係大家摰愛，餐廳提供每日兩款空運到港的法國、美國或愛爾蘭即開新鮮生蠔，再加上肉厚味鮮的鱈場蟹腳，飽滿結實的紐西蘭青口，鮮甜的海蝦及海螺等冰鎮海鮮同樣無限任食，滿足度爆燈！而刺身區亦會無限提供即點即切的新鮮刺身，包括三文魚、八爪魚、鯛魚及甜蝦，冇理由唔食啦！

在開始品嚐熱葷前，可選擇多款醒神開胃的冷盤和沙律，當中有麻香牛肚、泰式雜錦海鮮沙律、上海醉雞及日式蟹籽沙律等，為大家帶來耳目一新的感覺！

即席燒烤專櫃：燒大蝦、燒羊扒

今次自助餐更設有即席燒烤專櫃，廚師即場炮製惹味燒大蝦、燒羊扒、德國腸、牛肉串、煙肉串、印式烤雞串、燒粟米及新鮮菠蘿等，而喜歡刺激味蕾的食客更加唔好錯過現場即製的麻辣蜆煲及入口即化的煎鵝肝伴黑松露汁！

當然唔少得熱葷啦，當中主打肉汁豐腴的燒羊脾及燒牛肉西冷、香濃惹味的芝士忌廉汁煮藍青口及香煎龍脷配橄欖油香草汁、風味十足的避風塘軟殼蟹及泰式咖喱煮大蝦等。

甜品：迷你流心朱古力心太軟＋芒果拿破崙

最後一定要食甜品，甜品專區包括有迷你朱古力心太軟，鬆化的蛋糕內混合特濃朱古力的熔岩流心餡，相機先食者請注意！另外，亦有酒店招牌甜品芒果拿破崙及迷你蛋白士多啤梨卷及薰衣草芝士餅等，更設無限量供應Häagen-Dazs雪糕，款款都咁吸引！

「盛夏‧鮮味」自助晚餐詳情

日期及時間：7月1日至9月30日晚上6時至9時
地點：土瓜灣九龍城道199號地下大堂（顯示地圖）
電話：2126 1960
價錢：
星期一至四 成人$568、長者 $478、小童 $408
星期五、六及公眾假期 成人$598、長者$528、小童 $458
特別優惠： 於酒店eShop預訂享高達8折優惠
消費券使用須知：酒店eShop優惠只支援信用卡、AlipayHK及WeChat Pay HK付款；如需選用八達通或Tap & Go付款，或需享用生日優惠，只適用於到場付款，請先致電餐廳預訂座位，價目會以自助晚餐原價計算。