周末勁食| 8度海逸酒店 新Brunch! 任食生蠔+海鮮
廣告
一星期朝九晚五連埋OT做足五日，放假唔想再打鑼咁早起身呀！星期六、日善待自己，可以瞓到十點先起身，再食個brunch咁就最好喇！土瓜灣 8度海逸酒店 推出全新的假日自助早午餐。其中，美國生蠔、海鮮等全部任食！預先訂位仲有8折，計計埋埋連加一都只係$268！假日要有個good morning就係咁簡單！
8度海逸Brunch! 必食生蠔、海鮮
食自助餐，就算食得唔多，都要食到回本！今次8度餐廳呢個Brunch，有好多肥美海鮮！美國生蠔、青口、海蝦、海螺、鱆紅魚、三文魚刺身等，重點是生蠔都有得～任～食！真係要食返夠本！
歎個英式早晨全餐！必試班尼迪蛋
除了海鮮，Brunch又點少得經典嘅班尼迪蛋、薯餅同牛角包呢！加杯橙汁，一路食一路覺得好chill呀！
香草烤羊扒，羊扒燒到啱啱熟，吃起來肉嫩亦無羊羶味。
燒特級牛肉，牛肉仲帶少少紅，夠嫩之餘仲夠juicy！
自助餐要食煙香草三文魚是常識吧。
食完冷盤熱食，當然唔少得甜品！芒果拿破崙，酥皮香脆鬆化，加上新鮮芒果肉，食一件係唔夠喉！
假日自助早午餐詳情：
收費：成人 $298；長者 $248；小童 $218（另有加一收費）
備註：用酒店eShop訂位，可享8折優惠（另有加一收費）
享用時間：星期一至日：11:30-14:30
優惠查詢：按我
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
