$78酒店紫薯甜品放題! 勁食9大甜品+限量火焰雪山 |沙田有咩好食|
廣告
之前就同大家推介過沙田帝都酒店超平HighTea＄68 甜品放題，依家佢哋嘅1 + 1 吧又有新嘢，推出「法式朱古力x紫薯甜品自助餐」，如果鍾意食紫薯嘅朋友要留意啦下啦。佢哋嘅甜品放題多咗好多新款式嘅紫薯甜品，仲有其他朱古力甜品，女生們嘅第二個胃準備好未呀？提提大家今次變咗$78，不過有得食紫薯就無所謂啦！
新款紫薯甜品！仲有火焰雪山
千層酥、栗子撻、紫薯窩夫仲有壓軸嘅紫薯火焰雪山，全部都係女生最愛呀！但係紫薯火焰雪山每天限量供應，想食就要睇時間啦！
經典法式朱古力甜品
如果你唔太鍾意紫薯唔緊要，佢都仲有經典嘅法式朱古力甜品，一定有一款啱你食嘅！仲有一款自家製芥末朱古力，芥末加朱古力？真係好好奇究竟係咩味道！提提大家一個著數位，一場嚟到記得食多幾個心太軟，平時出街食起碼要$50，食兩個已經夠數！
新推！脆炸芝士蛋糕
平時酒店甜品放題都好少有炸蛋糕食，連炸雪糕都未必有，所以今次少有地推出炸芝士蛋糕！除咗呢幾款之外，現場仲有即製梳乎厘及同迷你芝士撻，$78抵食呀！
1+1吧 法式朱古力 x 紫薯甜品自助餐
供應日期︰ 由即日起直至另行通知
供應時間： 2:30pm – 5:30pm
價目︰ 每位 HK$78 (星期一至五) 每位 HK$108 (星期六、日及公眾假期) ＊價目另加一服務費
地址： 香港沙田白鶴汀街八號帝都酒店大堂（顯示地圖）
訂座電話：2694 3869
詳情：www.royalpark.com.hk
延伸閱讀
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
