嚴選7-11十大宵夜必試小食！雞髀、肉醬意粉定點心最正？

編輯：新假期｜相片：NM編輯部麻甩佬｜原文：新Monday

嚴選7-11十大宵夜必試小食！

嗱今次呢就絕對無收取任何廣告費，全部都是編輯部一眾捱OT的單身麻甩佬㚒錢去7-11買的，所以我哋絕對有嗰句講嗰句！

這次嚴選了十多款7-11微波食品，由小食，到主菜再到甜品都一一收購，相信總有一款啱你心水！

（這次食評並不會給予任何分數，只會與大家分享食後感！）

小食、主菜類：

1. 雞髀（照燒、孜然）$19.4

兩者均附上膠盤以及手套，處理食物時倍加方便。而且雞髀從來都係要用手食，呢下堅持同細心要讚！

誠實食評（照燒）：論肉汁，微波食物而言可謂高品質之作，不過照燒又係甜，瑞士都係甜，兩者分別較少。始終照燒乃日式造法，建議再多加一點芝麻扮下嘢。至於肉質方面，確實滑嫩，雞皮雞肉亦醃得夠入味。

誠實食評（孜然）：孜然的味道較岀，但始終以汁煮方式入饌，很難要求它會有譚仔土匪雞翼的質地。肉質一樣有水準，夠滑之餘亦夠juicy。

2. 雞粒（燒烤$21.5、泰式$21）

誠實食評（燒烤）：如無意外，它是選用雞髀肉作原材料，叮完外層夠乾，咬開亦有雞汁。調味理應選用上甜椒粉，帶微辣，夠惹味。不足之處是份量較少（得嗰五粒），一個男人怒啪三盒都未必夠。

誠實食評（泰式）：泰式雞粒的設計較特別，盒內附有醬汁隔，以及一包沾醬，亦是所謂的泰式味道來源。雞肉繼續穩打穩紮，不過醬汁只是單一的酸辣，如果屋企有用剩的M記泰式甜辣醬，不妨轉用一下。

3. 點心拼盤 $16

誠實食評：內𥚃共有三粒燒賣、三粒牛肉球、兩粒蝦餃。味道都是大致如此，無雪味都當佢贏。豬肉燒賣有誠意，上方備有蟹子，蝦餃亦有些少蝦味，至於牛肉球呢，下次畀埋喼汁就更好。

4.翠玉餃 $16

誠實食評：本以為是健康之選，但諗深一層，食微波小食又怎能要求健康？翠玉餃食落油膩感相對較少，但可能微波爐加熱與雪櫃儲存的關係抽乾了外皮水份，幸好，內裡的菜肉餡料足以濕潤口腔。

5.碗仔羹 $16

誠實食評：留意番，唔係碗仔翅！不過與碗仔翅無異，湯底加入大地魚，並以豬肉絲、香菇、粉絲以及雲耳豐富口感，食落夠濃稠，亦有頗強的胡椒味。必讚的是，包裝內備有膠羹、一包麻油一包紅醋，方便調味。

6.肉醬意粉 $18

誠實食評：張志明大愛之物，「它很鹹，很不健康，又不多肉，不過喜歡就是喜歡。」由於記者是《志明與春嬌》的fans，所以好難中肯去批評意粉！經雪櫃抽乾意粉的水份後，質地夠al dente，醬汁調味確實偏鹹，但又不會過酸，份量都足以撈勻整碟！正！

7.紅咖喱雞配黃薑飯 $26

誠實食評：同事們稱它是此回的驚喜作！黃薑飯夠香，紅咖喱汁料亦夠綿滑濃稠，味道帶椰香偏辣，配料備有雞粒、車厘茄、木耳等（雞粒份量極少）不過包裝難拆，汁料亦易濺岀，大家小心。

甜品類：

8. 十勝大福本舖甜夢忌廉（香港限定）

誠實食評：聲稱是香港限定之物，餅皮確實加入紫薯焗成，食落有番薯味回甘。至於紅豆餡料甜度適中，但忌廉不夠滑。

9. 牛奶忌廉瑞士卷

誠實食評：瑞士卷不會太乾，加上大量忌廉，食落其實幾爽。不過忌廉牛奶味不足，幸好夠綿滑，可加番少少分。

10.吉士忌廉泡芙

誠實食評：賣相不俗，泡芙亦夠空氣感。不過食落極乾身，吉士醬亦太實，直情與泡芙完美分離…