朱古力迷機會嚟喇！6款必食邪惡朱古力醬

1. 童年回憶 欣欣杯

細細嗰嘅讀小學嘅時候，最鍾意小息去小食部買欣欣杯嚟食，欣欣杯有不同口味，例如朱古力、士多啤梨、牛奶等等，但餅乾棒點朱古力醬真係絕配。但每次食到尾，朱古力醬都唔夠，會有幾條餅乾棒點唔到朱古力醬㗎～～～

2. 經典味道 Nutella

相信所有人對Nutella都唔會陌生，Nutella係早餐良伴，榛子朱古力味濃郁，就咁直接食或者搽麵包，都係好食到不得了～Nutella推出不同大小容量嘅版本，即使買一樽最大Size嘅放喺屋企，都一定可以清哂，實在太好味啦！
3. 獨特口感 IKEA 脆糖朱古力醬

IKEA出嘅朱古力醬內有奶油糖碎，食落去除咗有朱古力嘅香滑質感，仲會咬到糖碎，奶油加上朱古力味非常滋味。而且，可以當係甜品嘅Topping，放係雪糕、蛋糕或加落熱牛奶入面都得！

4. 傳統製作 Maglio黑朱古力醬

Maglio朱古力醬來自意大利，製作過程認真，根據祖母古老食譜製作，做出傳統高級味道。濃濃嘅榛子味配上餅乾、蛋糕最適合不過，另有推出香滑牛奶朱古力醬。
5. 懷舊之選 德興朱古力醬

旺角 糖街-不一樣的迷你糖果店（@bonbonbonsss）張貼的相片 於 2015 年 11月 月 27 10:07下午 PST 張貼

來自台中嘅懷舊糖果，體積的骰，好似牙膏咁唧出嚟食。喺朱古力醬未進口台灣時，經已推出，可以話係台灣人嘅古早味朱古力醬。
6. 飲品變奏 阿華田脆脆麥精朱古力醬

呢排都非常之Hit嘅阿華田朱古力醬，個個都推介用佢嚟搽麵包，加上入面有細細粒嘅脆脆，雖然佢唔算係朱古力醬，但佢真係甜而不膩，我哋都好推介紹比大家！
Bonus！日本強力發明 即食朱古力片

片裝嘅朱古力，整熱佢就變成朱古力醬，用法十分方便，又可以Cut出不同形狀，放上麵包或班戟上，超有新意。

延伸閱讀：
澀谷109香港店開幕！姊妹們10件必買items【尖沙咀好去處】
5大聖誕工作坊 日韓熱爆手工心意卡！