$450廚師發辦午餐! 12件推薦壽司睇晒|灣仔有咩好食|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Feb 21 2016

經驗所得，有時即使在超有名氣的壽司店，都未必吃到大師傅手勢，結果水準參差。最近，心水是這新開的壽司淳。不賣名氣、不賣過江龍，但坐鎮的都是行內高手，出品穩定，其中勝師傅入行近四十年，師承見城，後於灘萬、竹壽司打滾多年，亦曾到過北海道著名壽司店壽司善交流，功夫紥實；加上前君悅酒店鹿悅總廚馬基良做顧問，將和食跟江戶前壽司融合，精緻度拍得住懷石料理。

如金目鯛壽司，上面的海膽絲以馬糞海膽壓平烘乾、風乾三至四次後成薄片去切絲，淡淡海洋味起提鮮作用。剝皮魚，空運來港後即開取肝，蒸至半熟，再放在剝皮魚壽司上，魚肝的甘香與剝皮魚的油香在口中爆發。以這樣的水準，晚巿Omakase $880-$2,280/位，已吃到12件壽司，白海膽、赤鯥、海鰻、縞蝦、毛蟹，最當造的食材都包括在內。不過勝師傅靜悄悄告訴我，想經濟一點，$450的Omakase午餐，用料跟晚巿的幾乎一樣，更加抵吃。

料理長推薦壽司套餐$450/位（12件，午巿供應，款式會依季節及貨源轉變）

a. 毛蟹青瓜壽司
毛蟹拆肉，配青瓜片爽甜。

b. 大拖羅壽司
油份極高，配即刨乾燥三年木魚絲提香。

c. 縞蝦及蝦子壽司
原隻縞蝦挑出蝦子來配搭，蝦頭煮麵豉湯。

d. 金目鯛壽司
肉質鮮嫩，海膽絲帶淡淡海洋味。

e. 針魚壽司
薑葱蓉平衡了針魚的魚鮮味。

f. 左口魚邊壽司
每條左口魚只得四邊，肉質肥美。

g. 赤鯥魚壽司
配上柚子胡椒及白昆布，味道層次豐富。

h. 剝皮魚壽司
上面放有剝皮魚肝，帶出了甘香。

i. 海鰻壽司
網烤海鰻焦香，柚子皮點綴，清新。

j. 醬油漬吞拿魚壽司
醬油醃漬五分鐘，酸甜度剛好，帶陣陣清香。

k. 北寄貝壽司
入口厚身、爽甜，以岩鹽及青檸汁調味已足夠。