$37抵食滋味扒餐 深水埗真．良心小店！
廣告
香港物價愈來愈高，去茶餐廳食餐飯$50-$60已經係閒事。如果我同大家講，$37就可以歎一個豐富扒餐！係咪好時光倒流先？扒餐仲可以自選兩款扒再用熱辣辣嘅鐵板送上，加埋有飲品有湯飲！太誇張啦！
原來這間抵食的小店位於深水埗，上星期剛被《東張西望》報導過，深受街坊老友歡迎。老板娘多年來親力親為盡量減成本，為的就是提供抵食價造福街坊，許多年來合共只加價$3。實在係良心優質小店。
有一點大家記得留意，因為店舖的正式收工時間是下午6點，所以記得早少少去食啦。
網友M5y_story食後感：
$37的扒餐，有飯，有埋中湯/西湯+熱飲(凍飲+$2)，邊到搵？
一間係深水埗開左10幾年的茶餐廳，就有呢款平民扒餐，$37可選2款肉，$39係雜扒餐(已加到$40)，汁料有黑椒/蒜蓉/燒汁。
我地就試左2款扒餐，分別係什扒餐及魚柳+牛扒餐。
什扒餐(燒汁)：豬+牛+雞+火腿，雞扒嫩滑多汁，正!! 豬扒及牛扒都唔算太特別，但起碼唔會”鞋”肉。配菜仲有粗薯條及少量菜，這樣的價錢實在物超所值。
自選餐(黑椒汁)：魚+牛，魚柳出乎意料。魚柳先沾滿蛋漿，再下鑊煎香，目的係令魚柳唔咁易散開。火喉控制得好好，魚柳多脆內軟，而且帶有淡淡的蛋香味。抵讚?? 牛扒上面講過就唔多講。
(相片提供: M5y_story/from新假期邪惡飲食群組)
合興旺茶餐廳
地址：深水埗青山道23號華盛大廈地下23C舖 (嘉頓斜對面) (顯示地圖)
營業時間：7am – 6pm
電話：27083711 / 27481722
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
